സാമൂഹിക ബോധം വളർത്തുന്ന നിയമം എഴുതിയ അഹാനെ നിയമസഭയിലെത്തിച്ച് സ്പീക്കർ; കുട്ടികൾക്ക് പ്രചോദനമായി കൂടിക്കാഴ്ച

കണ്ണൂർ: (KasargodVartha) 'സ്പൂണും നാരങ്ങയും' കളിക്ക് ഏറ്റവും മികച്ച നിയമം കൂട്ടിച്ചേർത്ത മൂന്നാം ക്ലാസുകാരൻ അഹാൻ സ്പീക്കറുടെ ക്ഷണം സ്വീകരിച്ച് നിയമസഭയിലെത്തി.

മൂന്നാം ക്ലാസ് പരീക്ഷയ്ക്ക് ഇഷ്ടവിനോദത്തിന് നിയമാവലി തയ്യാറാക്കാനുള്ള ചോദ്യത്തിനാണ്, 'സ്പൂണും നാരങ്ങയും' കളിയുടെ നിയമാവലിയിൽ 'ജയിച്ചവർ തോറ്റവരെ കളിയാക്കരുത്' എന്ന വലിയ നിയമം അഹാൻ എഴുതിച്ചേർത്തത്.

ഏറ്റവും ജനാധിപത്യപരമായി ഒരു കളിയെ ആവിഷ്കരിക്കാൻ പോന്ന സാമൂഹിക ബോധമുള്ള അഹാനെ ജനാധിപത്യത്തിൻ്റെ വേദിയായ നിയമസഭയിലേക്ക് ബഹു. കേരള നിയമസഭാ സ്പീക്കർ എ.എൻ. ഷംസീർ ക്ഷണിക്കുകയായിരുന്നു.

രാവിലെ സ്പീക്കറുടെ ഔദ്യോഗിക വസതിയായ നീതിയിലെത്തിയ അഹാൻ അദ്ദേഹത്തോടൊപ്പം പ്രഭാത ഭക്ഷണം കഴിച്ചു. തുടർന്ന് നിയമസഭയിലെത്തി സഭാ നടപടികൾ കാണുകയും, സ്പീക്കറുടെ ചേംബറിലെത്തി കുറച്ചു സമയം ചെലവഴിക്കുകയും ചെയ്തു.

സ്നേഹസമ്മാനങ്ങൾ നൽകിയാണ് സ്പീക്കർ അഹാനെ യാത്രയാക്കിയത്. അഹാനും സ്പീക്കറുമായുള്ള ഈ കൂടിക്കാഴ്ച, നമ്മുടെ കുഞ്ഞുങ്ങൾക്ക് ഉയർന്ന ചിന്തയോടെയും സമഭാവനയോടെയും വളരാനുള്ള പ്രചോദനമായിരിക്കുമെന്നും വിലയിരുത്തപ്പെടുന്നു.

ഈ വാർത്തയെക്കുറിച്ച് നിങ്ങൾക്കെന്ത് തോന്നുന്നു? അഹാനെ അഭിനന്ദിക്കാൻ കമന്റ് ചെയ്യൂ.

Article Summary: A third-grader, Ahan, visits the Kerala Assembly.

#Ahan #KeralaAssembly #ANShamseer #InspiringStory #KeralaNews #ChildrensDay