ബി ജെ പി പ്രവര്‍ത്തകനെ തലയ്ക്ക് ഇരുമ്പു വടികൊണ്ടടിച്ചു

By kvarthakgd1Oct 21, 2017, 19:23 IST

കാഞ്ഞങ്ങാട്: (www.kasargodvartha.com 21.10.2017) സിപിഎം പ്രവര്‍ത്തകരുടെ അക്രമത്തില്‍ ബിജെപി പ്രവര്‍ത്തകന് പരിക്കേറ്റു. പുതിയവളപ്പ് കടപ്പുറത്തെ പി വി ഷൈജു(31)വിനെയാണ് ആക്രമിച്ചത്. കഴിഞ്ഞ ദിവസം രാത്രി വീട്ടുമുറ്റത്ത് നിന്നും ഒരു സംഘം സിപിഎം പ്രവര്‍ത്തകര്‍ ഷൈജുവിനെ വാ മൂടി പിടിച്ച് ഇരുളിലേക്ക് കൊണ്ടുപോയി ഇരുമ്പ് പൈപ്പ് കൊണ്ട് തലക്കും കാലിലും അടിച്ച് പരിക്കേല്‍പ്പിക്കുകയായിരുന്നു.

സംഭവവുമായി ബന്ധപ്പെട്ട് സിപിഎം പ്രവര്‍ത്തകരായ പ്രമോദ്, ദിനേശന്‍ കോട്ടിക്കുളം, ആദര്‍ശ്, സുനി എന്നിവര്‍ക്കെതിരെ ഹൊസ്ദുര്‍ഗ് പോലീസ് വധശ്രമത്തിന് കേസെടുത്തു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)