തറവാട്ട് ഉത്സവത്തിനിടെ ഭക്ഷണ കലവറയില്‍ വെച്ച് മധ്യവയസ്‌കന് മര്‍ദനം

By Web Desk - MainDec 11, 2018, 19:44 IST

ചെറുവത്തൂര്‍: (www.kasargodvartha.com 11.12.2018) തറവാട്ട് ഉത്സവത്തിന്റെ ഭാഗമായി ഭക്ഷണ കലവറയില്‍ വെച്ച് മധ്യവയസ്‌കനെ യുവാവ് മര്‍ദിച്ചു. ചന്തേര പോലീസ് സ്റ്റേഷന്‍ പരിധിയില്‍പ്പെട്ട ചേരിവയല്‍ മണിയനോടി തറവാട്ടിലെ ഉത്സവത്തിന്റെ ഭാഗമായി കലവറയില്‍ നില്‍ക്കുകയായിരുന്ന രാഘവനാണ് മര്‍ദ്ദനമേറ്റത്. തൃക്കരിപ്പൂരിലെ പ്രജിത്താണ് മര്‍ദിച്ചത്.

ഉത്സവത്തിനിടയില്‍ ഭക്ഷണം വിളമ്പുന്നതിനിടയില്‍ പ്രജിത്ത് രാഘവനോട് കറിചോദിക്കുകയും ഇതിനിടയില്‍ വാക്ക് തര്‍ക്കം ഉണ്ടാകുകയും പ്രജിത്ത് രാഘവനെ മര്‍ദ്ദിക്കുകയുമായിരുന്നു. സംഭവത്തില്‍ രാഘവന്റെ പരാതിയില്‍ പ്രജിത്തിനെതിരെ ചന്തേര പോലീസ് കേസെടുത്തു.