കാറിലും ബൈക്കിലുമായെത്തിയ സംഘം യുവാക്കളെ ആക്രമിച്ചു; വെട്ടേറ്റ് ഗുരുതര പരിക്കുകളോടെ യുവാവിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു

By Web Desk - MainJun 26, 2019, 12:13 IST

വിദ്യാനഗര്‍: (www.kasargodvartha.com 26.06.2019) കാറിലും ബൈക്കിലുമായെത്തിയ സംഘം യുവാക്കളെ ആക്രമിച്ചു. വെട്ടേറ്റ് ഗുരുതര പരിക്കുകളോടെ ഒരു യുവാവിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. ചെട്ടുംകുഴിയിലെ അബ്ദുര്‍ റഹ് മാന്റെ മകനും ഓട്ടോഡ്രൈവറുമായ അബ്ദുല്‍ അസീസ് (30), ചെട്ടുംകുഴിയിലെ അബൂബക്കറിന്റെ മകന്‍ അമീര്‍ (30) എന്നിവരാണ് അക്രമത്തിനിരയായത്. ഇരുവരെയും കാസര്‍കോട് ജനറല്‍ ആശുപത്രിയില്‍ പ്രവേശിച്ചെങ്കിലും അമീറിന്റെ പരിക്ക് ഗുരുതരമായതിനാല്‍ മംഗളൂരുവിലെ ആശുപത്രിയിലേക്ക് മാറ്റി.

ചൊവ്വാഴ്ച രാത്രിയാണ് സംഭവം. നേരത്തെ ഒരു യുവാവിനെ കാറില്‍ കയറ്റിക്കൊണ്ടുപോകുന്ന സംഭവം ഇവര്‍ നോക്കിയിരുന്നു. ഇതിന്റെ വൈരാഗ്യത്തിലായിരിക്കാം അക്രമമെന്നാണ് പറയുന്നത്.