Youths arrested | പൊലീസ് മേധാവിയുടെ 'ക്ലീന്‍ കാസര്‍കോടില്‍' കുടുങ്ങിയത് 3 മയക്കുമരുന്ന് കടത്തുകാര്‍; പിടികൂടിയത് മാരക എംഡിഎംഎ

ബേക്കല്‍: (www.kasargodvartha.com) ജില്ലാ പൊലീസ് മേധാവിയുടെ 'ക്ലീന്‍ കാസര്‍കോടില്‍' മൂന്ന് മയക്കുമരുന്ന് കടത്തുകാർ കുടുങ്ങിയതായി പൊലീസ്. 20 ഗ്രാം എംഡിഎംഎയുമായി ബേക്കലില്‍ രണ്ടുപേരും മേല്‍പറമ്പില്‍ ഒരാളും ആണ് അറസ്റ്റിലായത്. ജില്ലാ പൊലീസ് ചീഫ് ഡോ. വൈഭവ് സക്‌സേനയുടെ നിര്‍ദേശപ്രകാരം ബേക്കല്‍ ഡിവൈഎസ്പി സികെ സുനില്‍ കുമാറിന്റെ നേതൃത്വത്തില്‍ നടത്തിയ മിന്നല്‍ പരിശോധനയിലാണ് സംഘം അറസ്റ്റിലായത്.
                           
ഹൊസ്ദുർഗ് പൊലീസ് സ്റ്റേഷൻ പരിധിയിലെ നിസാമുദ്ദീന്‍, കാസർകോട് പൊലീസ് സ്റ്റേഷൻ പരിധിയിലെ മുഹമ്മദ് ശമാസ്, അര്‍ശാദ് എന്നിവരാണ് അറസ്റ്റിലായത്. ബേക്കല്‍ സബ് ഡിവിഷനിലെ വിവിധ പ്രദേശങ്ങളിലാണ് ഒരേ സമയം പരിശോധന നടന്നത്. മൂന്ന് മയക്കുമരുന്ന് കേസുകളാണ് രജിസ്റ്റര്‍ ചെയ്തത്.

മേല്‍പറമ്പ് ഇന്‍സ്‌പെക്ടര്‍ ടി ഉത്തംദസ്, ബേക്കല്‍ എസ്‌ഐ രജനീഷ് എം, ജൂനിയര്‍ എസ്‌ഐ മാരായ ശരത്, സലീം കെ ജി, എസ് ഐ സെബാസ്റ്റ്യന്‍, സീനിയര്‍ സിവില്‍ പൊലീസ് ഓഫീസര്‍ സുധീര്‍ ബാബു, സിവില്‍ പൊലീസ് ഓഫീസര്‍മാരായ സുരേഷ്, ഹരീഷ്, നികേഷ്, വിനീത്, ജോതിഷ്, നിതിന്‍, നിഷാന്ത് എന്നിവരടങ്ങുന്ന സംഘമാണ് മിന്നല്‍ പരിശോധനയില്‍ പങ്കെടുത്തത്. < !- START disable copy paste -->