യുവാവിനെ വീടുകയറി കുത്തിപ്പരിക്കേല്‍പിച്ചതായി പരാതി; കേസെടുത്ത പോലീസ് ഒരാളെ അറസ്റ്റു ചെയ്തു

By Web Desk SNDec 23, 2017, 12:50 IST

കാസര്‍കോട്: (www.kasargodvartha.com 23.12.2017) യുവാവിനെ വീടുകയറി കുത്തിപ്പരിക്കേല്‍പിച്ചുവെന്ന പരാതിയില്‍ കേസെടുത്ത പോലീസ് ഒരാളെ അറസ്റ്റു ചെയ്തു. തളങ്കര ഹാര്‍ബറിന് സമീപത്തെ ബാദുഷ (38)യ്ക്കാണ് കുത്തേറ്റത്. സംഭവത്തില്‍ അശോക് നഗറിലെ ഷെയ്ഖ് ഖാനെ (28)യാണ് കാസര്‍കോട് ടൗണ്‍ പോലീസ് അറസ്റ്റു ചെയ്തത്.

വീട്ടില്‍ കുടുംബവുമായി സംസാരിച്ചുകൊണ്ടിരിക്കെ യാതൊരു പ്രകോപനവുമില്ലാതെ വീട്ടില്‍ അതിക്രമിച്ചു കയറി ഷെയ്ഖ് ഖാന്റെ നേതൃത്വത്തിലുള്ള സംഘം കുത്തിപ്പരിക്കേല്‍പിക്കുകയായിരുന്നുവെന്നാണ് ബാദുഷയുടെ പരാതി. സംഭവത്തില്‍ ഷെയ്ഖ് ഖാന് പുറമെ അദ്‌നാനെതിരേയും പോലീസ് കേസെടുത്തിട്ടുണ്ട്.