അഞ്ചിലേറെ കേസുകളിൽ പ്രതിയായ യുവാവ് കാപ്പ നിയമം ലംഘിച്ച് വീട്ടിലെത്തി; മഞ്ചേശ്വരം പൊലീസ് അറസ്റ്റ് ചെയ്തു

മഞ്ചേശ്വരം: (KasargodVartha) കാപ്പ നിയമപ്രകാരം നാടുകടത്തിയ നിരവധി കേസുകളിൽ പ്രതിയായ യുവാവ് വിലക്ക് ലംഘിച്ച് വീട്ടിലെത്തിയപ്പോൾ പൊലീസ് പിടിയിലായി. മഞ്ചേശ്വരം പൊലീസ് സ്റ്റേഷൻ പരിധിയിലെ ബി. അബ്ദുല്ല എന്ന സദ്ദു(32)വിനെയാണ് മഞ്ചേശ്വരം എസ്‌ഐ വൈഷ്ണവ് രാമചന്ദ്രനും സംഘവും അറസ്റ്റ് ചെയ്തത്.

അറസ്റ്റ് വീട്ടുപരിസരത്തുവെച്ച്

ബുധനാഴ്ച (07.01.2026) ഉച്ചയ്ക്ക് 11.15 മണിയോടെ പാവൂരിലെ വീട്ടുപരിസരത്തുവെച്ചാണ് പ്രതിയെ പൊലീസ് അറസ്റ്റ് ചെയ്തത്. കാപ്പ നിയമം ലംഘിച്ച് ഇയാൾ നാട്ടിലെത്തിയതായി പൊലീസിന് വിവരം ലഭിച്ചിരുന്നു. തുടർന്നാണ് മഞ്ചേശ്വരം പൊലീസ് സ്ഥലത്തെത്തി ഇയാളെ കസ്റ്റഡിയിലെടുത്തത്.

അഞ്ചിലേറെ കേസുകളിൽ പ്രതി

ലഹരി കേസുകൾ ഉൾപ്പെടെ അഞ്ചിലേറെ കേസുകളിലെ പ്രതിയാണ് അറസ്റ്റിലായ അബ്ദുല്ല. ഡിഐജിയുടെ ഉത്തരവ് പ്രകാരം ഇയാൾക്കെതിരെ 2025 നവംബർ 26-ന് കാപ്പ ചുമത്തി കേസെടുത്തിരുന്നു. തുടർന്ന് 2025 ഡിസംബർ മൂന്നു മുതൽ മൂന്നു മാസക്കാലയളവിൽ ജില്ലയിൽ പ്രവേശിക്കാൻ പാടില്ലെന്ന കർശന വ്യവസ്ഥയോടെ ഇയാളെ നാടുകടത്തുകയും ചെയ്തിരുന്നു.

എന്നാൽ, ഈ ഉത്തരവ് ലംഘിച്ചാണ് അബ്ദുള്ള പാവൂരിലെ വീട്ടുപരിസരത്ത് എത്തിയതെന്ന് മഞ്ചേശ്വരം പൊലീസ് രജിസ്റ്റർ ചെയ്ത കേസിൽ പറയുന്നു. കാപ്പ നിയമം ലംഘിച്ചതിനാണ് ഇപ്പോൾ പൊലീസ് നടപടി സ്വീകരിച്ചിരിക്കുന്നത്.

ഗുണ്ടാ നിയമങ്ങൾ കൂടുതൽ കർശനമാക്കണോ? നിങ്ങളുടെ അഭിപ്രായം കമൻ്റ് ചെയ്യൂ.

Article Summary: Youth deported under KAAPA arrested by Manjeshwar police for violating ban order.

#Manjeshwar #KAAPA #Arrest #KeralaPolice #CrimeNews #Kasargod