ഐപിഎല്‍ കളിയെ ചൊല്ലി അക്രമം; മര്‍ദനമേറ്റ് യുവാവിന് പരിക്ക്

By Web Desk - MainMay 5, 2018, 16:08 IST

മൊഗ്രാല്‍: (www.kasargodvartha.com 05.05.2018) ഐപിഎല്‍ കളിയെ ചൊല്ലിയാണെന്ന് പറയുന്നു മര്‍ദനമേറ്റ് യുവാവിന് പരിക്കേറ്റു. മൊഗ്രാല്‍ കൊപ്പളത്തെ റാഷിദി (26)നാണ് മര്‍ദനമേറ്റത്. പരിക്കേറ്റ റാഷിദിനെ കുമ്പള സഹകരണാശുപത്രിയില്‍ പ്രവേശിപ്പിച്ചു. വെള്ളിയാഴ്ച രാത്രിയാണ് സംഭവം.

ഐപിഎല്‍ കളിയില്‍ തോറ്റ ടീമിന്റെ ആരാധകനായ റാഷിദിനെ രണ്ട് പേര്‍ ചേര്‍ന്ന് മര്‍ദിക്കുകയായിരുന്നുവെന്നാണ് പരാതി. സംഭവത്തില്‍ പോലീസില്‍ പരാതി നല്‍കിയിട്ടുണ്ട്. പോലീസ് അന്വേഷണം നടത്തിവരുന്നു.