ബസ് തടഞ്ഞു നിര്‍ത്തി അകത്തു കടന്ന സംഘം യുവാവിനെ ബ്ലേഡ് കൊണ്ട് മുറിവേല്‍പിച്ചു

By Web Desk - MainJul 21, 2018, 16:52 IST

ഉപ്പള: (www.kasargodvartha.com 21.07.2018) ബസ് തടഞ്ഞു നിര്‍ത്തി അകത്തു കടന്ന സംഘം യുവാവിനെ ബ്ലേഡ് കൊണ്ട് മുറിവേല്‍പിച്ചു. പരിക്കേറ്റ യുവാവിനെ ആശുപത്രിയില്‍ പ്രവേശിപ്പിച്ചു. കുബണൂര്‍ കണ്ണട്ടിപ്പാറയിലെ ഖലീലിനെ (26)യാണ് മൂന്നംഗ സംഘം ആക്രമിച്ചത്. രാവിലെ ജോലിക്കു പോകുന്നതിനിടെ ബേക്കൂരില്‍ വെച്ച് ബസ് തടഞ്ഞ് അകത്തു കടന്ന സംഘം ബ്ലേഡ് കൊണ്ട് ആക്രമിക്കുകയായിരുന്നുവെന്ന് ഖലീല്‍ പരാതിപ്പെട്ടു.

ലൈസന്‍സില്ലാതെ പ്രവര്‍ത്തിക്കുന്ന ക്ലബിനെ കുറിച്ച് പരാതി നല്‍കിയതിന്റെ വിരോധത്തിലാണ് അക്രമം നടത്തിയതെന്നും ആശുപത്രിയില്‍ കഴിയുന്ന ഖലീല്‍ പറഞ്ഞു.