Youth arrested | 'വിദേശത്ത് നിന്ന് വന്ന ശേഷം കഞ്ചാവ് വിൽപന'; രഹസ്യവിവരത്തിൻ്റെ അടിസ്ഥാനത്തിൽ നടത്തിയ പരിശോധനയിൽ പ്രവാസി യുവാവ് പൊലീസ് പിടിയിൽ

കാഞ്ഞങ്ങാട്: (www.kasargodvartha.com) വിദേശത്ത് നിന്ന് വന്ന ശേഷം കഞ്ചാവ് വിൽപന തൊഴിലാക്കി വന്ന പ്രവാസി യുവാവിനെ രഹസ്യവിവരത്തിൻ്റെ അടിസ്ഥാനത്തിൽ നടത്തിയ പരിശോധനയിൽ അറസ്റ്റ് ചെയ്തതായി പൊലീസ് അറിയിച്ചു. ഹൊസ്ദുർഗ് പൊലീസ് സ്റ്റേഷൻ പരിധിയിലെ അബ്ദുൽ അസീസ്‌ (28) ആണ് അറസ്റ്റിലായത്.
                              
'ഹൊസ്ദുർഗ് ഇൻസ്‌പെക്ടർ കെ പി ഷൈനിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഒരുകിലോയിലധികം വരുന്ന കഞ്ചാവുമായി ഇട്ടമ്മലിൽ വെച്ചാണ് യുവാവിനെ പിടികൂടിയത്. നേരത്തേ കഞ്ചാവ് വലിക്കുമ്പോൾ പിടിയിലായിരുന്നുവെങ്കിലും വലിയ രീതിയിൽ കഞ്ചാവ് പിടികൂടാനായിരുന്നില്ല.

ഈ ഭാഗത്ത് കഞ്ചാവ് എത്തിച്ച് വിതരണം ചെയ്ത് വരുന്നത് ഇയാളാണെന്ന് വ്യക്തമായതോടെ നിരീക്ഷിച്ചുവരികയായിരുന്നു', പൊലീസ് പറഞ്ഞു.

പ്രതിയെ പിടികൂടിയ സംഘത്തിൽ ഹൊസ്ദുർഗ് എസ് ഐ രാജീവൻ, ഡിവൈ എസ് പിയുടെ സ്‌ക്വാഡ് അംഗങ്ങളായ എസ് ഐ അബൂബകർ കല്ലായി, സിപിഒ രജീഷ്, ഹൊസ്ദുർഗ് പൊലീസ് സ്റ്റേഷനിലെ എസ് സി പി ഒ ബിജു, സി പി ഒ ധന്യ, ഡ്രൈവർ സനൂപ് എന്നിവരും ഉണ്ടായിരുന്നു. < !- START disable copy paste -->