പൊതുസ്ഥലത്ത് വാഹനപാര്‍ക്കിംഗ് തടഞ്ഞ പോലീസുകാരനോട് തട്ടിക്കയറി; യുവാവ് അറസ്റ്റില്‍

By Web Desk - MainJan 20, 2019, 18:36 IST

കാസര്‍കോട്: (www.kasargodvartha.com 20.01.2019) പൊതുസ്ഥലത്ത് വാഹനപാര്‍ക്കിംഗ് തടഞ്ഞ പോലീസുകാരനോട് തട്ടിക്കയറിയ യുവാവിനെ പോലീസ് അറസ്റ്റു ചെയ്തു. കളനാട്ടെ അബ്ദുല്‍ ലത്വീഫിനെ (35)യാണ് പോലീസ് അറസ്റ്റു ചെയ്തത്. കാസര്‍കോട് മാര്‍ക്കറ്റ് റോഡിന് സമീപം വെച്ചായിരുന്നു സംഭവം.

റോഡില്‍ ഗതാഗത തടസം ഉണ്ടാകുംവിധം ടെമ്പോ പാര്‍ക്ക് ചെയ്തത് ചോദ്യം ചെയ്ത കാസര്‍കോട് സ്‌റ്റേഷനിലെ എ എസ് ഐ രാകേഷ് കുമാറിനോട് ലത്വീഫ് തട്ടിക്കയറിയെന്നാണ് പരാതി. പോലീസിന്റെ കൃത്യനിര്‍വ്വഹണം തടസപ്പെടുത്തിയതിനാണ് ലത്വീഫിനെതിരെ പോലീസ് കേസെടുത്തത്.