ബന്തിയോട് ദേശീയപാതയിൽ വാഹനാപകടം: ഥാറും ആൾട്ടോ കാറും കൂട്ടിയിടിച്ച് യുവതി മരിച്ചു; ഒരാളുടെ നില ഗുരുതരം

കുമ്പള: (KasargodVartha) ബന്തിയോട് മുട്ടം ദേശീയപാതയിൽ ഞായറാഴ്ച രാത്രി എട്ടുമണിയോടെയുണ്ടായ വൻ വാഹനാപകടത്തിൽ യുവതി മരിച്ചു. ഥാറും ആൾട്ടോ കാറും തമ്മിൽ കൂട്ടിയിടിച്ചാണ് അപകടം സംഭവിച്ചത്.

മഞ്ചേശ്വരം മച്ചമ്പാടിയിലെ സി പി ഫാത്തിമത്ത് മിർസാന (28) ആണ് മരിച്ചത്. അപകടത്തിൽ നാലുപേർക്ക് പരിക്കേൽക്കുകയും ഇതിൽ ഒരാളുടെ നില അതീവ ഗുരുതരമായി തുടരുകയും ചെയ്യുന്നു. മംഗളൂരു ഭാഗത്തേക്ക് പോകുകയായിരുന്നു രണ്ട് വാഹനങ്ങളും. കൂട്ടിയിടിയിൽ ആൾട്ടോ കാർ പൂർണ്ണമായും തകർന്നു.

യുവതിയെയും കൂടെയുണ്ടായിരുന്ന നാലുപേരെയും ഉടൻതന്നെ മംഗളൂരു യൂണിറ്റി ആശുപത്രിയിലേക്ക് മാറ്റിയെങ്കിലും ഫാത്തിമത്ത് മിർസാനയുടെ ജീവൻ രക്ഷിക്കാനായില്ല. പരിക്കേറ്റവരിൽ കാറിലുണ്ടായിരുന്ന ഒരാളുടെ നിലയാണ് ഗുരുതരമായി തുടരുന്നത്.

ഇടിച്ച ഥാർ റോഡരികിലേക്ക് മറിഞ്ഞു. ഥാറിലുണ്ടായിരുന്നവർക്കും പരിക്കേറ്റു. ഇവരെയും ആശുപത്രിയിലേക്ക് മാറ്റിയിട്ടുണ്ട്. കുമ്പള പോലീസ് സ്ഥലത്തെത്തി തുടർനടപടികൾ സ്വീകരിച്ചു.

ബന്തിയോട് ദേശീയപാതയിലുണ്ടായ അപകടത്തെക്കുറിച്ചുള്ള വാർത്ത ഷെയർ ചെയ്യൂ.

Article Summary: Young woman dies, and one person is critically injured in a car-jeep collision at Bantiyod National Highway, Kasaragod.

#KasaragodAccident #NationalHighway #FatalAccident #TharCarCrash #Kumbla #KeralaAccident