Assault | ജോലിക്ക് വിളിച്ചപ്പോൾ പോവാത്തതിന് തൊഴിലാളിയെ മർദിച്ചതായി പരാതി; 2 പേർക്കെതിരെ കേസ്

മുളിയാർ: (KasargodVartha) ജോലിക്ക് വിളിച്ചിട്ട് പോകാത്തതിന്റെ വിരോധത്തിൽ തെങ്ങുകയറ്റ തൊഴിലാളിയെ മർദിച്ചുവെന്ന പരാതിയിൽ രണ്ടുപേർക്കെതിരെ ആദൂർ പൊലീസ് കേസെടുത്തു. മുളിയാർ പേരടുക്കത്ത് താമസിക്കുന്ന കെ കമലാക്ഷൻ (45) ആണ് പരാതിക്കാരൻ. 

രാമചന്ദ്രൻ, വിശ്വംഭരൻ എന്നിവർക്കെതിരെയാണ് പൊലീസ് കേസെടുത്തത്. ഫെബ്രുവരി ഒമ്പതിന് രാത്രി ഒമ്പത് മണിയോടെയാണ് സംഭവം നടന്നത്. രാമചന്ദ്രനും വിശ്വംഭരനും ചേർന്ന് കമലാക്ഷനെ തടഞ്ഞുനിർത്തി അടിക്കുകയും പരുക്കേൽപ്പിക്കുകയും ചെയ്തു എന്നാണ് പരാതിയിൽ പറയുന്നത്.

ജോലിക്ക് വിളിച്ചപ്പോൾ പോകാത്തതിലുള്ള വിരോധമാണ് മർദനത്തിന് പിന്നിലെ കാരണമെന്ന് കമലാക്ഷൻ നൽകിയ പരാതിയിൽ പറയുന്നു. പരാതിയുടെ അടിസ്ഥാനത്തിൽ ബിഎൻഎസ്  126(2), 115(2) വകുപ്പുകൾ പ്രകാരമാണ് കേസ് എടുത്തിരിക്കുന്നത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Kasargod police filed a case against two individuals for assaulting a worker, Kamalakshan, over refusing to go to work. Investigation underway.

#KasaragodNews, #AssaultCase, #WorkerAbuse, #Investigation, #KasaragodPolice, #LaborRights