ബൈക്കിലെത്തി കവര്‍ച്ച വീണ്ടും; നടന്നുപോവുകയായിരുന്ന വീട്ടമ്മയുടെ കഴുത്തില്‍ നിന്നും ആറരപ്പവന്റെ സ്വര്‍ണമാല തട്ടിപ്പറിച്ച് സംഘം രക്ഷപ്പെട്ടു

By Web Desk - MainDec 17, 2018, 10:34 IST

കാഞ്ഞങ്ങാട്: (www.kasargodvartha.com 17.12.2018) ബൈക്കിലെത്തി കവര്‍ച്ച വീണ്ടും. നടന്നുപോവുകയായിരുന്ന വീട്ടമ്മയുടെ കഴുത്തില്‍ നിന്നും ആറരപ്പവന്റെ സ്വര്‍ണമാല തട്ടിപ്പറിച്ച് സംഘം രക്ഷപ്പെട്ടു. കാരാട്ട് വയലിലെ കെ മധുസൂദനന്റെ ഭാര്യ പി ശ്രീജ (39) യുടെ മാലയാണ് കവര്‍ന്നത്. ഹൊസ്ദുര്‍ഗ് കാരാട്ട് വയല്‍ റോഡിലാണ് സംഭവം.

ബൈക്കിലെത്തിയ സംഘം മാല പൊട്ടിച്ച് കടന്നുകളയുകയായിരുന്നു. ഇതില്‍ ഒരാള്‍ ഹെല്‍മറ്റ് ധരിച്ചിരുന്നതായി ശ്രീജ പരാതിപ്പെട്ടു. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.