ആടുകളെ മോഷ്ടിച്ചു കൊണ്ടുപോയത് ചോദ്യം ചെയ്തതിന് അടിച്ചുപരിക്കേല്‍പിച്ചതായി യുവതിയുടെ പരാതി; പോലീസ് കേസെടുത്തു

By Web Desk - MainNov 5, 2018, 15:23 IST

കുമ്പള: (www.kasargodvartha.com 05.11.2018) ആടുകളെ മോഷ്ടിച്ചു കൊണ്ടുപോയത് ചെയ്തതിന് മരവടികൊണ്ട് അടിച്ചുപരിക്കേല്‍പിച്ചതായി യുവതിയുടെ പരാതി. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു. മുട്ടം എം എച്ച് ക്വാര്‍ട്ടേഴ്സില്‍ താമസിക്കുന്ന പാര്‍വ്വതിയാണ് പരാതിയുമായി കുമ്പള പോലീസിലെത്തിയത്.

സംഭവത്തില്‍ മോനു എന്നയാള്‍ക്കെതിരെയാണ് പോലീസ് കേസെടുത്തത്. ഞായറാഴ്ചയാണ് സംഭവം. മേയാന്‍വിട്ട ആടുകളെ മോഷ്ടിച്ചു കൊണ്ടുപോയി വീട്ടുപറമ്പില്‍ കെട്ടിയിട്ടതിനെ ചോദ്യം ചെയ്ത വിരോധത്തില്‍ തന്നെ മോനു മരവടികൊണ്ട് അടിച്ചു പരിക്കേല്‍പ്പിക്കുകയായിരുന്നുവെന്നാണ് പാര്‍വ്വതിയുടെ പരാതി.