മകനുമായുള്ള സാമ്പത്തിക ഇടപാടിനെ ചൊല്ലി തര്‍ക്കം; മാതാവിനെ വീട്ടില്‍ കയറി അക്രമിച്ചതിന് 3 പേര്‍ക്കെതിരെ കേസ്

കാസര്‍കോട്: (www.kasargodvartha.com 09.01.2019) മകനുമായുള്ള സാമ്പത്തിക ഇടപാടിനെ ചൊല്ലിയുണ്ടായ തര്‍ക്കത്തെ തുടര്‍ന്ന് മാതാവിനെ വീട്ടില്‍ കയറി അക്രമിച്ചതിന് മൂന്നു പേര്‍ക്കെതിരെ കാസര്‍കോട് ടൗണ്‍ പോലീസ് കേസെടുത്തു. മേല്‍പറമ്പ് മാക്കോടിലെ നഫീസത്ത് മിസ് രിയയാണ് അക്രമത്തിനിരയായത്. സംഭവവുമായി ബന്ധപ്പെട്ട് മിസ് രിയയുടെ പരാതിയില്‍ ഹബീബ്, കണ്ടാലറിയാവുന്ന രണ്ടു പേര്‍ എന്നിവര്‍ക്കെതിരെയാണ് പോലീസ് കേസെടുത്തത്.

കഴിഞ്ഞ ദിവസമാണ് സംഭവം. മകന്‍ ഷാഹുല്‍ ഹമീദുമായുള്ള 35 ലക്ഷത്തിന്റെ സാമ്പത്തിക ഇടപാടുമായി ബന്ധപ്പെട്ട് മൂന്നംഗ സംഘം വീട്ടില്‍ അതിക്രമിച്ചു കടക്കുകയും മര്‍ദിക്കുകയും വീടിന്റെ ജനല്‍ ഗ്ലാസുകള്‍ തകര്‍ക്കുകയും ബൈക്കിന് കേടുപാട് വരുത്തുകയും ചെയ്തുവെന്നാണ് മിസ് രിയയുടെ പരാതി. സംഭവത്തില്‍ പോലീസ് അന്വേഷണം നടത്തിവരുന്നു.