കോഴിയിറച്ചി കുറഞ്ഞുപോയി; തർക്കം കൊലപാതകത്തിൽ കലാശിച്ചു, ഒരാൾ പിടിയിൽ

ബെംഗ്ളൂരു: (KasargodVartha) വിവാഹ വിരുന്നിൽ വിളമ്പിയ കോഴിയിറച്ചി കുറഞ്ഞതിനെച്ചൊല്ലിയുണ്ടായ തർക്കത്തിനിടെ യുവാവ് കുത്തേറ്റു മരിച്ചു. ബെളഗാവി യാരഗട്ടിയിൽ നടന്ന സംഭവത്തിൽ വിനോദ് മാലഷെട്ടി (30) ആണ് മരിച്ചത്. സംഭവവുമായി ബന്ധപ്പെട്ട് വിറ്റാൽ ഹാരുഗോപിനെ പോലീസ് അറസ്റ്റ് ചെയ്തു.

ഞായറാഴ്ച വൈകിട്ട് ബെലഗാവി യാരഗട്ടി ടൗണിലെ ഒരു കൃഷിയിടത്തിൽ അഭിഷേക് കൊപ്പാട് എന്നയാൾ സംഘടിപ്പിച്ച വിവാഹ സത്കാരത്തിനിടെയാണ് സംഭവം. സദ്യ വിളമ്പിയപ്പോൾ ചിക്കൻ കഷണങ്ങളുടെ എണ്ണത്തെച്ചൊല്ലി വിനോദ് മാലഷെട്ടിയും വിറ്റാൽ ഹാരുഗോപും തമ്മിൽ തർക്കമുണ്ടായി.

പോലീസ് പറയുന്നതനുസരിച്ച്, വിരുന്നിൽ വിളമ്പിയ ചിക്കൻ പീസ് കുറഞ്ഞുപോയെന്ന് വിനോദ് ചോദ്യംചെയ്തതോടെയാണ് തർക്കം ആരംഭിച്ചത്. ഈ തർക്കത്തിനിടെ പാചകത്തിന് ഉപയോഗിച്ചിരുന്ന കത്തിയെടുത്ത് ഹാരുഗോപ് വിനോദിനെ കുത്തുകയായിരുന്നു എന്നാണ് പ്രാഥമിക വിവരം. വയറിന് കുത്തേറ്റ വിനോദ് സംഭവസ്ഥലത്തുവെച്ച് തന്നെ മരിച്ചതായി ദൃക്സാക്ഷികൾ പറഞ്ഞു. പോലീസ് കേസ് രജിസ്റ്റർ ചെയ്ത് അന്വേഷണം നടത്തുകയാണ്.
 

ഒരു ചിക്കൻ കഷണത്തിന്റെ പേരിൽ ഇങ്ങനെയൊരു ക്രൂരകൃത്യം നടന്നതിനെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Man stabbed to death over chicken at wedding; one arrested.

#BengaluruCrime #ChickenFight #Murder #Belagavi #Karnataka #CrimeNews