അക്രമക്കേസില്‍ പ്രതിയായി മുങ്ങിനടക്കുകയായിരുന്ന പിടികിട്ടാപ്പുള്ളി അറസ്റ്റില്‍

By Web Desk - MainJul 29, 2019, 10:06 IST

ചന്തേര: (www.kasargodvartha.com 29.07.2019) അക്രമക്കേസില്‍ പ്രതിയായി മുങ്ങിനടക്കുകയായിരുന്ന പിടികിട്ടാപ്പുള്ളിയെ പോലീസ് അറസ്റ്റു ചെയ്തു. പടന്ന കാന്തിലോട്ടെ കെ സവാദിനെ (28)യാണ് ചന്തേര പോലീസ് അറസ്റ്റു ചെയ്തത്. 2014 ല്‍ എല്‍ ഡി എഫിന്റെ രാഷ്ട്രീയപ്രചാരണവാഹനം തടഞ്ഞ് അക്രമം നടത്തിയ കേസിലും 2017 ല്‍ പടന്ന വടക്കേപ്പുറത്ത് നടന്ന അടിപിടിക്കേസിലും പ്രതിയാണ് സവാദെന്ന് പോലീസ് പറഞ്ഞു.

കേസില്‍ പ്രതിയായി ഹാജരാകാതെ പോലീസിനെ വെട്ടിച്ച് മുങ്ങിനടന്ന സവാദിനെ കോടതി പിടികിട്ടാപ്പുള്ളിയായി പ്രഖ്യാപിക്കുകയും ചെയ്തിരുന്നു. ഹൊസ്ദുര്‍ഗ് ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ സവാദിനെ രണ്ടാഴ്ചത്തേക്ക് റിമാന്‍ഡ് ചെയ്തു.