Mystery | ഉടമ വിദേശത്ത്, വീട്ടിൽ അനധികൃത താമസം; കെഎസ്ഇബി ബില്ലിൽ നിന്ന് പുറത്തുവന്ന രഹസ്യം
● വീടിന് ചുറ്റുമുള്ള കാടൊക്കെ വെട്ടിത്തെളിച്ച് പെയിന്റ് അടിച്ചിരുന്നു.
● കഴിഞ്ഞ രണ്ട് തവണ അയ്യായിരം രൂപയിലധികം വൈദ്യുതി ബില്ല് വന്നിരുന്നു. സംശയം തോന്നിയ അജിത്ത് കെഎസ്ഇബിക്ക് പരാതി നൽകി.
കൊച്ചി: (KasargodVartha) അമേരിക്കയിൽ താമസിക്കുന്ന അജിത്ത് എന്നയാളുടെ കൊച്ചിയിലെ വീട്ടിൽ അനധികൃതമായി മറ്റൊരു കുടുംബം താമസിക്കുന്നതായി പരാതി ഉയർന്നു. വൈറ്റിലയിലുള്ള വീടും, ഗേറ്റും ഉള്പ്പെടെ പൂട്ടിയിട്ടിരിക്കുകയാണെങ്കിലും വൻതോതിലുള്ള വൈദ്യുതി ബില്ലാണ് അജിത്തിനെ അമ്പരപ്പിച്ചത്. അജിത്ത് കൊച്ചി സിറ്റി പൊലീസ് കമ്മീഷണർക്ക് ഇമെയില് വഴിയാണ് പരാതി നല്കിയത്.
വർഷാവർഷം നാട്ടിൽ വരുന്ന അജിത്തിന് കഴിഞ്ഞ വർഷം വരാൻ കഴിഞ്ഞില്ല. എന്നാൽ, കഴിഞ്ഞ രണ്ട് തവണ അയ്യായിരം രൂപയിലധികം വൈദ്യുതി ബില്ല് വന്നിരുന്നു. സംശയം തോന്നിയ അജിത്ത് കെഎസ്ഇബിക്ക് പരാതി നൽകി.
പരാതിയെ തുടർന്ന് അന്വേഷിക്കാനെത്തിയ കെഎസ്ഇബി ഉദ്യോഗസ്ഥർ വീട്ടിൽ എത്തിയപ്പോൾ അവിടെ ഒരു കുടുംബം താമസിക്കുന്നതായി കണ്ടെത്തി. വീടിന് ചുറ്റുമുള്ള കാടൊക്കെ വെട്ടിത്തെളിച്ച് പെയിന്റ് അടിച്ചിരുന്നു. അനധികൃത താമസക്കാർ ഉദ്യോഗസ്ഥരെ തടഞ്ഞപ്പോൾ സംഭവം ഗൗരവമായി. വിവരമറിഞ്ഞ അജിത്ത് പൊലീസിൽ പരാതി നൽകി.
വീട് എത്ര കാലമായി പൂട്ടിയിട്ടിരിക്കുന്നു, വീട്ടിൽ താമസിക്കുന്നവർ ആരാണെന്നീ വിവരങ്ങൾ അന്വേഷിക്കുകയാണ് പൊലീസ്. ഇത്തരം സംഭവങ്ങൾ അപൂർവ്വമാണെങ്കിലും ആവർത്തികനുള്ള സാധ്യതയുണ്ട്. അതിനാൽ വിദേശത്തുള്ള മലയാളികൾ ഇത്തരം സാഹചര്യങ്ങളിൽ ജാഗ്രത പാലിക്കേണ്ടത് അത്യാവശ്യമാണ്.
ഈ വാർത്ത സാമൂഹ്യമാധ്യമങ്ങളിലും മറ്റ് പ്ലാറ്റ്ഫോമുകളിലും പങ്കുവെക്കാൻ മടിക്കേണ്ട.
#unauthorizedstay #kochi #kerala #crime #police #investigation #lockedhouse #electricitybill
