ആദിവാസി പെൺകുട്ടിയുടെ കൊലപാതകം: പ്രതി ബിജു പൗലോസിന്റെ ജാമ്യാപേക്ഷ തള്ളി
● 2010-ലാണ് പെൺകുട്ടിയെ കാണാതായത്.
● ഹൈക്കോടതി ഇടപെടലിനെ തുടർന്നാണ് കേസ് ക്രൈംബ്രാഞ്ചിന് വിട്ടത്.
● 15 വർഷത്തിനുശേഷം കഴിഞ്ഞ മെയ് മാസത്തിലാണ് പ്രതിയെ അറസ്റ്റ് ചെയ്തത്.
● പെൺകുട്ടിയെ കൊന്ന് പുഴയിൽ താഴ്ത്തിയെന്നാണ് പ്രതിയുടെ മൊഴി.
കാസർകോട്: (KasargodVartha) അമ്പലത്തറ പോലീസ് സ്റ്റേഷൻ പരിധിയിലെ ആദിവാസി പെൺകുട്ടിയുടെ കൊലപാതകവുമായി ബന്ധപ്പെട്ട് റിമാൻഡിൽ കഴിയുന്ന പ്രതിയുടെ ജാമ്യാപേക്ഷ ജില്ലാ പ്രിൻസിപ്പൽ സെഷൻസ് കോടതി തള്ളി. പാണത്തൂർ ബാപ്പുങ്കയത്തെ ബിജു പൗലോസിന്റെ (52) ജാമ്യാപേക്ഷയാണ് കോടതി തള്ളിയത്.
2010-ലാണ് പെൺകുട്ടിയെ കാണാതായത്. മാതാപിതാക്കൾ ഹൈകോടതിയിൽ നൽകിയ ഹേബിയസ് കോർപ്പസ് ഹർജിയെ തുടർന്നാണ് കേസന്വേഷണം ക്രൈംബ്രാഞ്ചിന് വിട്ടത്. ക്രൈംബ്രാഞ്ച് 15 വർഷത്തിനുശേഷം കഴിഞ്ഞ മെയ് മാസത്തിലാണ് പ്രതിയെ അറസ്റ്റ് ചെയ്തത്. പെൺകുട്ടിയെ കൊന്ന് പാണത്തൂർ പവിത്രങ്കയം പുഴയിൽ ചവിട്ടിത്താഴ്ത്തിയെന്നായിരുന്നു ഇയാളുടെ മൊഴി.
മൃതദേഹം പുഴയിൽ തള്ളാൻ കൊണ്ടുപോയ ജീപ്പ് കഴിഞ്ഞ മാസം ബന്തടുക്കയിൽ നിന്ന് ക്രൈംബ്രാഞ്ച് പിടികൂടിയിരുന്നു. പ്രോസിക്യൂഷനും ക്രൈംബ്രാഞ്ചും ശക്തമായ തെളിവുകൾ പ്രതിക്കെതിരെ കോടതിയിൽ ഹാജരാക്കി. പ്രതിക്കുവേണ്ടി ഹൈക്കോടതി അഭിഭാഷകനാണ് ജില്ലാ കോടതിയിൽ ഹാജരായത്.
ഈ കേസിന്റെ പുരോഗതിയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
Article Summary: Kasaragod court rejects bail for accused in tribal girl murder.
#Kasaragod #MurderCase #BailDenied #CrimeNews #KeralaPolice #Justice
