Arrest | കർണാടകയിൽ നിന്ന് കഞ്ചാവുമായി ഓടോറിക്ഷയിൽ കേരളത്തിലേക്ക്; 3 യുവാക്കൾ പിടിയിൽ
● പ്രതികൾ കർണാടക സ്വദേശികളാണ്.
● മഞ്ചേശ്വരം പൊലീസ് ആണ് പിടികൂടിയത്.
● എൻഡിപിഎസ് ആക്ട് പ്രകാരം കേസ് രജിസ്റ്റർ ചെയ്തു.
മഞ്ചേശ്വരം: (KasargodVartha) ഓടോറിക്ഷയിൽ കടത്തുകയായിരുന്ന കഞ്ചാവുമായി മൂന്ന് യുവാക്കളെ മഞ്ചേശ്വരം പൊലീസ് അറസ്റ്റ് ചെയ്തു. കർണാടകയിലെ ദക്ഷിണ കന്നഡ ജില്ലയിലെ ജഅഫർ സിദ്ദീഖ് (23), മുഹമ്മദ് സിറാജുദ്ദീൻ (25), മുഹമ്മദ് നിയാസ് (21) എന്നിവരാണ് പിടിയിലായത്.
ചൊവ്വാഴ്ച വൈകുന്നേരം 4.15 മണിയോടെ മഞ്ചേശ്വരം പൊലീസ് സ്റ്റേഷൻ പരിധിയിലെ വോർക്കാടി തിമ്മങ്കൂരിൽ നിന്നാണ് കെഎ 19 എസി 2319 നമ്പർ ഓടോറിക്ഷയിൽ നിന്ന് കഞ്ചാവുമായി യുവാക്കൾ അറസ്റ്റിലായത്.
നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് (NDPS) ആക്ട് സെക്ഷൻ 20(ബി)(ii)ബി, 29 എന്നിവ പ്രകാരമാണ് പ്രതികൾക്കെതിരെ കേസെടുത്തിരിക്കുന്നത്. ഓടോറിക്ഷയും പൊലീസ് കസ്റ്റഡിയിലെടുത്തു. സംഭവത്തെക്കുറിച്ച് കൂടുതൽ അന്വേഷണം നടക്കുകയാണെന്നും കഞ്ചാവ് കടത്തിന് പിന്നിൽ മറ്റാരെങ്കിലും ഉൾപ്പെട്ടിട്ടുണ്ടോയെന്ന് പരിശോധിക്കുമെന്നും പൊലീസ് അറിയിച്ചു.
#Manjeshwaram #Cannabis #DrugSmuggling #Karnataka #Arrest #NDPSAct
