പോലീസുകാരന് ഭീഷണി; പ്രതിക്കു വേണ്ടി തിരച്ചില്‍

By Web Desk - MainApr 18, 2018, 16:22 IST

പടന്നക്കാട്: (www.kasargodvartha.com 18.04.2018) പോലീസുകാരനെ ഭീഷണിപ്പെടുത്തിയ പ്രതിക്കു വേണ്ടി തിരച്ചില്‍ ഊര്‍ജിതം. കല്ലൂരാവിയില്‍ പട്രോളിംഗ് ഡ്യൂട്ടിയിലുണ്ടായിരുന്ന സിവില്‍ പോലീസ് ഓഫീസര്‍ ശ്രീജിത്തിനെ ഭീഷണിപ്പെടുത്തിയ ഞാണിക്കടവിലെ കരിമ്പില്‍ മജീദിനെതിരെയാണ് ഹൊസ്ദുര്‍ഗ് പോലീസ് കേസെടുത്ത് അന്വേഷണം ഊര്‍ജിതമാക്കിയത്.

ബൈക്കില്‍ വന്ന മജീദ് ശ്രീജിത്തിനെ ഭീഷണിപ്പെടുത്തിയതിന് പുറമെ പോലീസ് വാന്‍ തകര്‍ക്കുമെന്ന് മുന്നറിയിപ്പും നല്‍കി. ഇതിന് മുമ്പും ഇവിടെ പോലീസ് വാഹനം തകര്‍ത്തിട്ടുണ്ടെന്നും മജീദ് ഭീഷണിപ്പെടുത്തിയതായും ശ്രീജിത്തിന്റെ പരാതിയില്‍ പറയുന്നു.