മുന്തിയ ഇനം വെളിച്ചെണ്ണയ്ക്ക് വേണ്ടിയുള്ള 'ഓപ്പറേഷൻ'; ആലുവയിൽ നടന്നത് വിചിത്രമായ മോഷണം!

ആലുവ: (KasargodVartha) പണവും സ്വർണ്ണവും പ്രതീക്ഷിച്ചു വന്ന ഒരു കള്ളൻ ആലുവയിലെ കടയിൽ നിന്ന് മോഷ്ടിച്ചത് വെളിച്ചെണ്ണ! ആദ്യം കടയുടെ തറ തുരന്നു കയറാൻ ശ്രമിച്ചെങ്കിലും പരാജയപ്പെട്ടു. പിന്നീട് പൂട്ടുതല്ലിപ്പൊളിച്ച് അകത്തുകയറിയ കള്ളൻ മുന്നിൽ കണ്ടത് മുന്തിയ ഇനം വെളിച്ചെണ്ണയായിരുന്നു. കൈയ്യിൽ കിട്ടിയ 30 കുപ്പികൾ ചാക്കിലാക്കി കള്ളൻ സ്ഥലം വിട്ടു.

ആലുവ തോട്ടുമുഖം പാലത്തിന് സമീപം പുത്തൻപുരയിൽ അയൂബ് നടത്തുന്ന 'ഷാ വെജിറ്റബിൾസ് ആന്‍ഡ് ഫ്രൂട്‌സ്' എന്ന സ്ഥാപനത്തിലാണ് ഈ വിചിത്രമായ മോഷണം നടന്നത്. 600 രൂപ വില വരുന്ന 30 കുപ്പി വെളിച്ചെണ്ണ നഷ്ടപ്പെട്ടതിന്റെ ദുഃഖത്തിലാണ് കടയുടമ അയൂബ്.

മോഷണത്തിനിടയിൽ ഫ്രിഡ്ജിൽ നിന്ന് സോഫ്റ്റ് ഡ്രിങ്ക് കുടിച്ച് ക്ഷീണം മാറ്റിയ കള്ളൻ കടയിൽ നിന്നു തന്നെയൊരു ചാക്ക് കണ്ടെത്തി. വെളിച്ചെണ്ണയ്ക്ക് പുറമേ, 10 പാക്കറ്റ് പാലും ഒരു പെട്ടി ആപ്പിളും മോഷ്ടിക്കപ്പെട്ടു. ഇറങ്ങുന്നതിന് മുൻപ് സിസിടിവി ക്യാമറ ശ്രദ്ധയിൽപ്പെട്ട കള്ളൻ അതിന്റെ കേബിളും മുറിച്ചാണ് കടയിൽ നിന്ന് രക്ഷപ്പെട്ടത്.
 

ഈ വാർത്തയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യൂ! കൂടുതൽ ആളുകളിലേക്ക് എത്തിക്കാൻ ഷെയർ ചെയ്യൂ.

Article Summary: Thief breaks into a shop in Aluva and steals 30 bottles of coconut oil.

#Aluva #Kerala #CrimeNews #Theft #CoconutOil #KeralaPolice