തളങ്കരയിൽ യുവാവിനെയും സുഹൃത്തുക്കളെയും തടഞ്ഞുനിർത്തി ആക്രമിച്ചതായി പരാതി; ഇരുമ്പ് വടിയുപയോഗിച്ച് മർദിച്ച സംഭവത്തിൽ 5 പേർക്കെതിരെ കേസ്

കാസർകോട്: (KasargodVartha) തളങ്കര പടിഞ്ഞാറിൽ യുവാവിനെയും സുഹൃത്തുക്കളെയും തടഞ്ഞുനിർത്തി സംഘം ചേർന്ന് ആക്രമിക്കുകയും യുവാവിനെ ഇരുമ്പ് വടി കൊണ്ട് അടിച്ച് പരിക്കേൽപ്പിക്കുകയും ചെയ്തതായി പരാതി. സംഭവത്തിൽ അഞ്ച് പേർക്കെതിരെ കാസർകോട് ടൗൺ പൊലീസ് കേസെടുത്തു. ചൊവ്വാഴ്ച (ഓഗസ്റ്റ് 25) രാത്രി 11.30-ഓടെയാണ് കേസിനാസ്പദമായ സംഭവം നടന്നത്. തളങ്കര പടിഞ്ഞാറിൽ കാറിൽ സഞ്ചരിക്കുകയായിരുന്ന ഉളിയത്തടുക്ക എസ് പി നഗർ സ്വദേശി മുഹമ്മദ് അസ്ഹറുദ്ദീനെയും (29) സുഹൃത്തുക്കളായ അബ്ദുൽ കൗഫ് , അബ്ദുൽ റഹ്‌മാൻ, അനസ് എന്നിവരെയാണ് പ്രതികൾ തടഞ്ഞുനിർത്തി ആക്രമിച്ചത്. ഒന്നാം പ്രതിയായ അമ്പി, മുഹമ്മദ് അസ്ഹറുദ്ദീൻ്റെ സുഹൃത്തായ കൗഫിനെ കാറിൽനിന്ന് ഇറക്കി കൊണ്ടുപോയി കൈപിടിച്ച് തിരിച്ചതായും പരാതിയിൽ പറയുന്നു.

ഇരുമ്പ് വടി കൊണ്ടുള്ള മർദനം

ഇത് തടയാൻ ശ്രമിച്ച പരാതിക്കാരനെയും സുഹൃത്തുക്കളെയും പ്രതികൾ കൈകൊണ്ട് മർദിച്ചു. ഇതിനിടെ ഒന്നാം പ്രതി വീട്ടിൽ കയറി ആക്രമിക്കുമെന്ന് ഭീഷണിപ്പെടുത്തിയതായും പരാതിയിലുണ്ട്. തുടർന്ന് കാറിലുണ്ടായിരുന്ന ലിവർ പോലുള്ള ഇരുമ്പ് വടി എടുത്ത് മുഹമ്മദ് അസ്ഹറുദ്ദീൻ്റെ വലതുകൈയിലും  അടിക്കുകയും മൂക്കിനും ഇടതുകൈയിലും മർദിക്കുകയും ചെയ്തു. ഈ ആക്രമണത്തിൽ പരാതിക്കാരനും സുഹൃത്തുക്കൾക്കും പരിക്കേറ്റു. തായലങ്ങാടിയിൽ വെച്ച് കൗഫിനെ മർദിച്ചതുമായി ബന്ധപ്പെട്ട് നേരത്തെ നൽകിയ കേസിൻ്റെ വിരോധമാണ് ആക്രമണത്തിന് കാരെന്ന് മുഹമ്മദ് അസ്ഹറുദ്ദീൻ്റെ മൊഴിയിൽ വ്യക്തമാക്കുന്നു.

ആക്രമണത്തിൽ പരിക്കേറ്റ മുഹമ്മദ് അസ്ഹറുദ്ദീൻ കാസർകോട് കിംസ് ആശുപത്രിയിൽ ചികിത്സ തേടി. വിവരം അറിഞ്ഞെത്തിയ പൊലീസ് ആശുപത്രിയിലെത്തിയാണ് മൊഴി രേഖപ്പെടുത്തിയത്. അമ്പി, തമ്പി, മഷൂദ്, ആരിഫ്, ജാഷിം പള്ളം എന്നിവർക്കെതിരെയാണ് പൊലീസ് കേസെടുത്തിരിക്കുന്നത്. ഭാരതീയ ന്യായ സംഹിതയിലെ (ബിഎൻഎസ്) വിവിധ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിട്ടുള്ളത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് അധികൃതർ അറിയിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: Muhammad Azharudheen and his friends were allegedly waylaid and assaulted by a five-member gang led by Ambi in Thalangara West, Kasaragod, on Tuesday night, August 25, 2026, with Azharudheen sustaining injuries from an iron rod and seeking treatment at KIMS Hospital.

#KasargodVartha #Thalangara #KasaragodNews #AssaultCase #KeralaPolice #MalayalamNews #KIMSThalangara #BNS2023 #LocalNews #AparnaNews