ക്ഷേത്രഭണ്ഡാരം കുത്തിത്തുറന്ന് കവര്‍ച്ച

By Web Desk SreJan 10, 2020, 10:21 IST

നീലേശ്വരം: (www.kasargodvartha.com 10.01.2020) ക്ഷേത്രഭണ്ഡാരം കുത്തിത്തുറന്ന് കവര്‍ച്ച. നീലേശ്വരം പട്ടേന സുവര്‍ണവല്ലി മഹാവിഷ്ണു ക്ഷേത്ര ഭണ്ഡാരമാണ് കവര്‍ന്നത്. പതിനായിരം രൂപയോളം നഷ്ടപ്പെട്ടതായി ക്ഷേത്രം പ്രസിഡന്റ് വി.ഗണപതി നമ്പൂതിരി നീലേശ്വരം പൊലീസില്‍ നല്‍കിയ പരാതിയില്‍ പറയുന്നു. രണ്ടു മാസം മുമ്പാണ് ക്ഷേത്ര ഭാരവാഹികള്‍ ഭണ്ഡാരം തുറന്നത്. വിവരമറിഞ്ഞ് പോലീസ് സ്ഥലത്തെത്തി അന്വേഷണം നടത്തി.

പേരോല്‍ സാര്‍വജനിക ഗണേശ മണ്ഡപത്തിലെ ഭണ്ഡാരം മോഷണം പോയത് ജനുവരി മൂന്നിന് പുലര്‍ച്ചെയാണ്. 2019 ഡിസംബര്‍ 18 ന് പുലര്‍ച്ചെ പേരോല്‍ വെള്ളിക്കുന്നിലെ മഹേശ്വരി ക്ഷേത്രത്തില്‍ പ്രധാന വാതിലിന്റെ ഓടാമ്പല്‍ അരിഞ്ഞു മാറ്റി മോഷണ ശ്രമം നടന്നിരുന്നു.