Drug Cases | നിരവധി മയക്കുമരുന്ന് കേസുകളിൽ പ്രതി; യുവതിയെ കാപ്പ ചുമത്തി നാടുകടത്തി പൊലീസ്

കണ്ണൂർ: (KasargodVartha) നിരവധി മയക്കുമരുന്ന് കേസുകളിൽ പ്രതിയായ യുവതിയെ കാപ്പ ചുമത്തി നാടുകടത്തി. തലശ്ശേരി പൊലീസ് സ്റ്റേഷൻ പരിധിയിലെ ഫാത്തിമ ഹബീബ (27) ക്കെതിരെയാണ് നടപടി. നിരവധി ലഹരികേസുകളിൽ പ്രതിയും റൗഡി ലിസ്റ്റിൽപ്പെട്ടയാളുമാണ് യുവതിയെന്ന് പൊലീസ് പറഞ്ഞു. കണ്ണൂർ ജില്ലാ പൊലീസ് കമ്മീണറുടെ കാപ്പ പട്ടിക പ്രകാരമുള്ള റിപ്പോർട്ടിന്റെ അടിസ്ഥാനത്തിലാണ് നടപടി.

കണ്ണൂർ റേഞ്ച് ഡെപ്യൂട്ടി പൊലീസ് ഇൻസ്പെക്ടറാണ് യുവതിക്ക് ഒരു വർഷത്തേക്ക് കണ്ണൂർ ജില്ലയിൽ പ്രവേശിക്കുന്നതിന് വിലക്കേർപ്പെടുത്തിയത്. ഉത്തരവ് ലംഘിച്ച് ജില്ലയിൽ പ്രവേശിച്ചാൽ മൂന്ന് വർഷം വരെ തടവ് ശിക്ഷ ലഭിക്കുന്ന കുറ്റമാണ്. 

കണ്ണൂർ ജില്ലയിൽ മയക്കുമരുന്ന് വ്യാപകമായ സാഹചര്യത്തിൽ നടപടികൾ പൊലീസ് ശക്തമാക്കിയിട്ടുണ്ട്. വരും ദിവസങ്ങളിലും കർശന നടപടികൾ തുടരുമെന്ന് പൊലീസ് അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

A woman involved in multiple drug-related cases has been sent out of Kannur after being placed under detention, as part of ongoing actions against drug abuse in the area.

#DrugCases, #Kannur, #PoliceAction, #Detention, #KeralaNews, #DrugAbuse