റോഡരികില്‍ നിര്‍ത്തിയിട്ടിരുന്ന കാറില്‍ നിന്നും വിദ്യാര്‍ത്ഥിനിയുടെ ബാഗും പണവും മോഷണം പോയി

കാസര്‍കോട്: (www.kasargodvartha.com 29.11.2018) റോഡരികില്‍ നിര്‍ത്തിയിട്ടിരുന്ന കാറില്‍ നിന്നും വിദ്യാര്‍ത്ഥിനിയുടെ ബാഗും പണവും മോഷണം പോയി. സംഭവത്തില്‍ അടുക്കത്ത്ബയലിലെ പ്രിയയുടെ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചു. ബുധനാഴ്ചയാണ് സംഭവം. ടൗണില്‍ സാധനങ്ങള്‍ വാങ്ങാനായി കാറിലെത്തിയതായിരുന്നു പ്രിയ.

എം ജി റോഡില്‍ കാര്‍ നിര്‍ത്തി പോയി തിരിച്ചുവന്നപ്പോഴാണ് മകളും കേന്ദ്രീയ വിദ്യാലയത്തിലെ ഏഴാം ക്ലാസ് വിദ്യാര്‍ത്ഥിനിയുമായ സനുഷ്‌കയുടെ ബാഗും കാറില്‍ വെച്ചിരുന്ന 3,000 രൂപയും മോഷണം പോയതായി വ്യക്തമായത്. തുടര്‍ന്ന് പോലീസില്‍ പരാതി നല്‍കുകയായിരുന്നു. ബാഗ് നഷ്ടപ്പെട്ടതോടെ കുട്ടിയുടെ പഠനത്തെ ബാധിച്ചിരിക്കുകയാണെന്ന് പ്രിയ പരാതിപ്പെട്ടു.