ബസിനു കല്ലെറിഞ്ഞ് ഡ്രൈവറുടെ കണ്ണിന് പരിക്കേറ്റ സംഭവത്തില്‍ യുവാവ് അറസ്റ്റില്‍

By Web Desk - MainApr 18, 2018, 13:26 IST

കുമ്പള: (www.kasargodvartha.com 18.04.2018) ഹര്‍ത്താല്‍ ദിവസം കുമ്പളയില്‍ കേരള സ്റ്റേറ്റ് ട്രാന്‍സ്‌പോര്‍ട്ട് ബസിനു കല്ലെറിഞ്ഞ കേസില്‍ ഒരാളെ അറസ്റ്റു ചെയ്തു. കോയിപ്പാടിയിയിലെ മുഹമ്മദ് ഹനീഫ് (24) ആണ് അറസ്റ്റിലായത്. പഴയ എക്‌സൈസ് ഓഫീസിനു സമീപത്തു വെച്ചാണ് കല്ലേറുണ്ടായത്. കല്ലേറില്‍ ബസിന്റെ ഗ്ലാസ് തകര്‍ക്കുകയും ഡ്രൈവര്‍ക്ക് പരിക്കേല്‍ക്കുകയും ചെയ്തിരുന്നു.

കുമ്പള സി.ഐയുടെ ഊര്‍ജിതമായ അന്വേഷണത്തെ തുടര്‍ന്നാണ് പ്രതിയെ പിടികൂടിയത്. സംഘത്തില്‍ എസ്.ഐ. ശിവദാസനും ഉണ്ടായിരുന്നു. സംഭവത്തില്‍ ഒരാളെ പിടികിട്ടാനുണ്ടെന്ന് പോലീസ് പറഞ്ഞു.