യുവാവിനെ സോഡാ കുപ്പികൊണ്ട് കുത്തിപ്പരിക്കേല്‍പിച്ച കേസില്‍ പ്രതി അറസ്റ്റില്‍

By Web Desk - MainJul 5, 2018, 10:30 IST

കാഞ്ഞങ്ങാട്: (www.kasargodvartha.com 05.07.2018) യുവാവിനെ സോഡാ കുപ്പികൊണ്ട് കുത്തിപ്പരിക്കേല്‍പിച്ച കേസില്‍ പ്രതിയെ പോലീസ് അറസ്റ്റു ചെയ്തു. പാറപ്പള്ളി മൂന്നാം മൈലില്‍ സല്‍സബീലിലെ അബ്ദുല്ലയെ സോഡക്കുപ്പി കൊണ്ടു കുത്തിപരിക്കേല്‍പിച്ച കേസില്‍ പ്രതിയായ പാറപ്പള്ളിയിലെ ഷംസീറിനെയാണ് അമ്പലത്തറ പോലീസ് അറസ്റ്റു ചെയ്തത്.

ഏതാനും ദിവസങ്ങള്‍ക്കു മുമ്പാണ് കേസിനാസ്പദമായ സംഭവം നടന്നത്. അബ്ദുല്ലയെ ഷംസീര്‍ സോഡാക്കുപ്പി കൊണ്ട് കഴുത്തിനും നെഞ്ചിനും കുത്തിപ്പരിക്കേല്‍പിച്ചുവെന്നാണ് കേസ്.