പിതാവിനെ കൊലപ്പെടുത്തിയ മകനെ പോലീസ് അറസ്റ്റു ചെയ്തു

By Web Desk - MainJun 30, 2019, 10:20 IST

ചിറ്റാരിക്കാല്‍: (www.kasargodvartha.com 30.06.2019) പിതാവിനെ കൊലപ്പെടുത്തിയ കേസില്‍ മകനെ പോലീസ് അറസ്റ്റു ചെയ്തു. വെസ്റ്റ് എളേരി പഞ്ചായത്തിലെ അതിരുമാവ് പട്ടികവര്‍ഗ കോളനിയിലെ പുതിയകൂട്ടത്തില്‍ ദാമോദരനെ (62) കൊലപ്പെടുത്തിയ കേസില്‍ മകന്‍ അനീഷിനെ (32)യാണ് ചിറ്റാരിക്കാല്‍ പോലീസ് അറസ്റ്റു ചെയ്തത്. ശനിയാഴ്ച പുലര്‍ച്ചെയോടെയാണ് ദാമോദരനെ വീടിനുള്ളില്‍ മരിച്ചനിലയില്‍ കണ്ടെത്തിയത്.

വെള്ളിയാഴ്ച രാത്രിയാണ് കൊലപാതകം നടന്നത്. വീടിനുള്ളിലിരുന്ന് മദ്യപിച്ചതിനെ തുടര്‍ന്ന് തര്‍ക്കമുണ്ടാവുകയും തുടര്‍ന്ന് മരക്കഷ്ണം കൊണ്ടുള്ള അനീഷിന്റെ അടിയേറ്റ് ദാമോദരന്‍ കൊല്ലപ്പെടുകയുമായിരുന്നു. സനീഷ്, സുമേഷ്, ദിവ്യ, സുനില്‍ എന്നിവര്‍ ദാമോദരന്റെ മറ്റു മക്കളാണ്. മരുമകള്‍: സജിത.