ഫ്ലെക്സ് ബോർഡിൽ കല്ലെറിഞ്ഞെന്ന് ആരോപണം; സന്തോഷ് കീഴാറ്റൂരിന്റെ മകനെ മർദിച്ചതായി പരാതി

കണ്ണൂർ: (KasargodVartha) തൃച്ചംബരത്ത് നടൻ സന്തോഷ് കീഴാറ്റൂരിന്റെ മകനും സുഹൃത്തുക്കളും ബി.ജെ.പി. പ്രവർത്തകരുടെ ആക്രമണത്തിനിരയായതായി പരാതി. സുഹൃത്തിന്റെ ജന്മദിനാഘോഷം കഴിഞ്ഞ് മടങ്ങുന്നതിനിടെ ഫ്ലെക്സ് ബോർഡിലേക്ക് കല്ലെറിഞ്ഞുവെന്ന് ആരോപിച്ചായിരുന്നു ആക്രമണം. സംഭവത്തിൽ യദു സാന്ത് ഉൾപ്പെടെയുള്ളവർക്ക് പരിക്കേറ്റു.

യദു സാന്തിന്റെ വാക്കുകൾ ഇങ്ങനെ: ‘സുഹൃത്തുക്കളുമായി സംസാരിച്ചിരിക്കുമ്പോൾ തമാശയ്ക്ക് കല്ലെറിഞ്ഞുകളിക്കുകയായിരുന്നു. അതിനിടെ കല്ല് ഒരു ഫ്ലെക്സ് ബോർഡിൽ കൊണ്ടു. തൊട്ടടുത്തുണ്ടായിരുന്ന ബി.ജെ.പി. മന്ദിരത്തിൽ നിന്ന് രണ്ടുപേർ വന്ന് എന്തിനാണ് ഫ്ലെക്സ് ബോർഡിലേക്ക് കല്ലെറിഞ്ഞതെന്ന് ചോദിച്ചു. പിന്നാലെ കൂടുതൽ പേരെത്തി ഹെൽമെറ്റ് ഉപയോഗിച്ച് മർദിച്ചു.’

‘മനസാക്ഷയില്ലാത്ത മർദനമാണ് കുട്ടികൾക്ക് നേരെ ഉണ്ടായത്. ആളാകേണ്ട എന്നു പറഞ്ഞാണ് മർദിച്ചത്. കളിക്കുമ്പോൾ പറ്റിയതാണ്. പക്ഷെ എന്റെ മകനെയാണ് അവർ ആദ്യം മർദിക്കുന്നത്’, സന്തോഷ് കീഴാറ്റൂർ പ്രതികരിച്ചു. 

ഹെൽമെറ്റ് ഉപയോഗിച്ചുള്ള മർദനത്തിൽ ഗുരുതരമായ പരിക്കുകൾ സംഭവിക്കാമായിരുന്നുവെന്നും അദ്ദേഹം പറഞ്ഞു. സംഭവത്തിൽ പോലീസ് വേണ്ട രീതിയിൽ ഇടപെട്ടില്ലെന്നും സന്തോഷ് കീഴാറ്റൂർ ആരോപിച്ചു. കുട്ടികളെ മർദിച്ച ക്രിമിനലുകളെ നിയമത്തിന് മുന്നിൽ കൊണ്ടുവരുമെന്ന് അദ്ദേഹം ഫേസ്ബുക്കിൽ കുറിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Actor Santhosh Keezhattoor's son and friends were allegedly assaulted by BJP workers in Thrichambaram, Kannur, after a stone accidentally hit a flex board. 

#KeralaNews, #Kannur, #Assault, #SanthoshKeezhattoor, #BJPWorkers, #KeralaPolice