തയ്യല്‍ കടയില്‍ കവര്‍ച്ച; സമീപത്തെ കടകളില്‍ കവര്‍ച്ചാ ശ്രമം

By Web Desk - MainNov 18, 2019, 16:09 IST

കാസര്‍കോട്: (www.kasargodvartha.com 18.11.2019) തയ്യല്‍ കടയില്‍ കവര്‍ച്ചയും സമീപത്തെ കടകളില്‍ കവര്‍ച്ചാ ശ്രമവുമുണ്ടായി. തായലങ്ങാടി ക്ലോക്ക് ടവറിന് സമീപത്തെ ഷാഹിദ ഹമീദിന്റെ വസ്ത്രക്കടയിലാണ് കവര്‍ച്ച നടന്നത്. തയ്യല്‍ മെഷീനും വസ്ത്രങ്ങളുമടക്കം മോഷണം പോയി. 45,000 രൂപയുടെ നഷ്ടം സംഭവിച്ചതായി ഉടമ പോലീസിന് മൊഴി നല്‍കി. രണ്ട് വര്‍ഷം മുമ്പും ഇതേ കടയില്‍ മോഷണം നടന്നിരുന്നു.

സമീപത്തുള്ള ഹോട്ടലിന്റെയും വാതില്‍ വില്‍ക്കുന്ന കടയുടെയും ഓടിളക്കി മോഷണ ശ്രമവുമുണ്ടായി. ഇവിടെ നിന്നും ഒന്നും നഷ്ടപ്പെട്ടിട്ടില്ല.