കടലിൽ ഒഴുകി നീങ്ങിയത് ലക്ഷങ്ങളുടെ ലഹരി; ഞെട്ടിപ്പിക്കുന്ന കണ്ടെത്തൽ

കാഞ്ഞങ്ങാട്: (KasargodVartha) കടൽത്തീരത്തും കടലിലുമായി ചാക്കിൽക്കെട്ടിയ നിലയിൽ നിരോധിത പുകയില ഉൽപന്നങ്ങൾ കണ്ടെത്തി. കഴിഞ്ഞ ദിവസം രാവിലെ ബല്ലാ കടപ്പുറത്താണ് കടലിൽ ഒരു ചാക്കുകെട്ട് ഒഴുകി നീങ്ങുന്നതായി നാട്ടുകാരുടെ ശ്രദ്ധയിൽപ്പെട്ടത്. 

ഇതിനു സമാനമായ മറ്റൊരു ചാക്കുകെട്ട് തീരത്തടിഞ്ഞ നിലയിലും കണ്ടെത്തി. സംശയം തോന്നിയ നാട്ടുകാർ ചാക്കു കെട്ടുകൾ തുറന്നു പരിശോധിച്ചപ്പോഴാണ് അത് നിരോധിത പുകയില ഉൽപന്നങ്ങളാണെന്ന് തിരിച്ചറിഞ്ഞത്.

ഉടൻ തന്നെ നാട്ടുകാർ വിവരം പോലീസിനെ അറിയിച്ചു. സ്ഥലത്തെത്തിയ പോലീസ് സംഘം പുകയില ഉൽപന്നങ്ങൾ പരിശോധിച്ച ശേഷം പോലീസ് സ്റ്റേഷനിലേക്ക് മാറ്റി. തീരത്തും കടലിലുമായി നിരോധിത പുകയില ഉൽപന്നങ്ങൾ കണ്ടെത്തിയത് കടൽ വഴിയുള്ള കള്ളക്കടത്ത് സംബന്ധിച്ച സംശയം വർദ്ധിപ്പിച്ചിട്ടുണ്ട്.

പോലീസ് പരിശോധന ശക്തമായതിനെ തുടർന്ന് കടൽ വഴി ചരക്ക് നീക്കം നടക്കുന്നുണ്ടോയെന്ന് പോലീസ് സംശയിക്കുന്നു. കടലിൽ പട്രോളിങ് നടത്തുന്ന പോലീസ് സംഘത്തെ കണ്ട് കടത്തുകാർ ചാക്കുകെട്ടുകൾ ഉപേക്ഷിച്ചതാകാനാണ് സാധ്യതയെന്നും പോലീസ് കരുതുന്നു. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.

ഈ വിഷയത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെയ്ക്കൂ, നിങ്ങളുടെ സുഹൃത്തുക്കളുമായി ഈ വാർത്ത ഷെയർ ചെയ്യൂ.

Article Summary: Prohibited tobacco products found on shore, suspected to be smuggled by sea.

#KeralaCrime #TobaccoSmuggling #KasaragodNews #CoastalPatrol #IllegalTrade #PoliceInvestigation