വീട്ടിൽ അവശനിലയിൽ കണ്ടെത്തിയ വിദ്യാർത്ഥിനി മരിച്ചു

പെരിയ: (KasargodVartha) വീട്ടിൽ തൂങ്ങിയ നിലയിൽ കണ്ടെത്തിയതിനെത്തുടർന്ന് ആശുപത്രിയിൽ പ്രവേശിപ്പിച്ചിരുന്ന പ്ലസ് വൺ വിദ്യാർത്ഥിനി മരിച്ചു. പെരിയ പുല്ലൂർ കേളോത്തെ കൃഷ്ണന്റെ മകൾ കെ രൂപിക(16)യാണ് മരിച്ചത്. കഴിഞ്ഞ ദിവസം രാത്രി കാസർകോട് ജനറൽ ആശുപത്രിയിലായിരുന്നു അന്ത്യം.

കഴിഞ്ഞ ദിവസം ഉച്ചയോടെയാണ് കുട്ടിയെ വീട്ടിലെ ഹാളിൽ തൂങ്ങിയ നിലയിൽ കണ്ടെത്തിയത്. ഉടൻ തന്നെ ബന്ധുക്കളും നാട്ടുകാരും ചേർന്ന് ആശുപത്രിയിൽ എത്തിക്കുകയായിരുന്നു. പ്രാഥമിക ചികിത്സയ്ക്കായി കാഞ്ഞങ്ങാട്ടെ ആശുപത്രിയിലും പിന്നീട് വിദഗ്ധ ചികിത്സയ്ക്കായി മംഗ്ളൂരിലെ ആശുപത്രിയിലും പ്രവേശിപ്പിച്ചു.

എന്നാൽ ജീവൻ രക്ഷിക്കാൻ സാധിച്ചില്ല. മംഗ്ളൂരിൽ നിന്ന് തിരിച്ച് കാസർകോട് ജനറൽ ആശുപത്രിയിൽ എത്തിച്ചപ്പോഴാണ് മരണം സംഭവിച്ചത്. സംഭവത്തിൽ അമ്പലത്തറ പൊലീസ് കേസെടുത്ത് അന്വേഷണം ആരംഭിച്ചു. മൃതദേഹം പൊലീസ് ഇൻക്വസ്റ്റ് നടത്തി.

സ്വയം ജീവനെടുക്കുന്നത് ഒരു പരിഹാരമല്ല. മാനസിക സമ്മർദ്ദമോ നിരാശയോ അനുഭവപ്പെടുന്നവർ സഹായം തേടണം. 📞 ദിശ ഹെൽപ്പ്‌ലൈൻ: 1056 / 0471-2552056 📞 ടെലിമാനസ്: 14416

ഈ വിയോഗത്തിൽ കുടുംബത്തിന് ആശ്വാസമേകാൻ പ്രാർത്ഥിക്കാം. ആദരാഞ്ജലികൾ അർപ്പിക്കാൻ കമന്റ് ചെയ്യൂ.

Article Summary: Plus One student K. Rupika (16) from Periya dies after being found hanging at home.

#PeriyaNews #Kasaragod #StudentDeath #PoliceCase #Pullur #KeralaNews