മഹാരാഷ്ട്ര സ്വദേശിയെ ആക്രമിച്ച് സ്വർണവും കാറും തട്ടിയെടുത്തു; പ്രതി അറസ്റ്റിൽ

തളിപ്പറമ്പ്: (KasargodVartha) പിലാത്തറയിൽ സിനിമ മോഡലിൽ കാറും സ്വർണവും തട്ടിയെടുത്ത കവർച്ചാ കേസിൽ ഒരാൾ അറസ്റ്റിൽ. സനു സന്തോഷ് എന്നയാളാണ് പരിയാരം പൊലീസിന്റെ പിടിയിലായത്. ഇയാൾക്ക് 42 വയസ്സാണ് പ്രായം. കാസർകോട്  ഉപ്പളയിൽ വെച്ചാണ് ഇയാളെ അറസ്റ്റ് ചെയ്തത്. പ്രതികൾ സഞ്ചരിച്ച രണ്ട് വാഹനങ്ങളും പൊലീസ് കസ്റ്റഡിയിലെടുത്തിട്ടുണ്ട്. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു. മറ്റ് പ്രതികൾക്കായുള്ള അന്വേഷണം ഊർജിതമാക്കിയിട്ടുണ്ടെന്ന് പൊലീസ് അറിയിച്ചു.

മേയ് രണ്ടിനാണ് കേസിനാസ്പദമായ സംഭവം നടന്നത്. മഹാരാഷ്ട്ര സ്വദേശികൾ സഞ്ചരിച്ച കാർ ആക്രമിച്ച് രഹസ്യ അറയിൽ സൂക്ഷിച്ച സ്വർണവും 55 ലക്ഷം രൂപയും സംഘം കവർന്നു എന്നാണ് കേസ്. മഹാരാഷ്ട്ര സ്വദേശി കുമാർ ജലന്ധർ നിഗമിന്റെ പരാതിയിലാണ് പരിയാരം പൊലീസ് കേസെടുത്തത്. പരാതിക്കാരൻ സഞ്ചരിച്ച കാർ തടഞ്ഞുവെച്ച് ആക്രമിച്ചെന്നാണ് പരാതിയിൽ പറയുന്നത്. ഇതിനുപുറമെ ഭാര്യയുടെ ബാഗിൽ ഉണ്ടായിരുന്ന 25 ഗ്രാം സ്വർണം നഷ്ടപ്പെട്ടെന്നും പരാതിയിൽ വ്യക്തമാക്കിയിട്ടുണ്ട്. ബിഎൻഎസ് 310 വകുപ്പ് പ്രകാരമാണ് കേസ് രജിസ്റ്റർ ചെയ്തിരിക്കുന്നത്.

കവർച്ചയ്ക്ക് ശേഷം പിലാത്തറ കോ-ഓപ്പറേറ്റീവ് കോളേജിന് സമീപത്താണ് ഉപേക്ഷിക്കപ്പെട്ട നിലയിൽ കാർ കണ്ടെത്തിയത്. കാറിനകത്തുണ്ടായിരുന്ന വസ്ത്രങ്ങൾ വലിച്ചെറിഞ്ഞ നിലയിലായിരുന്നു. കോളേജിലെ സെക്യൂരിറ്റി ജീവനക്കാരനാണ് ഈ സംഭവം ആദ്യം ശ്രദ്ധിക്കുന്നത്. അദ്ദേഹം  വിവരം പരിയാരം പൊലീസിൽ അറിയിക്കുകയായിരുന്നു.

വാർത്തകളും മറ്റ് വിവരങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Pariyaram police arrested Sanu Santhosh,  in connection with the robbery of a Maharashtra native's car, gold, and 55 lakh rupees at Pilathara.

#PilatharaRobbery #KeralaPolice #KannurNews #CrimeNews  #MalayalamNews #AnjuNew