കെ എസ് ആര്‍ ടി സി ബസില്‍ പോക്കറ്റടി; യുവാവ് അറസ്റ്റില്‍

By Web Desk - MainJun 27, 2019, 19:00 IST

കുമ്പള: (www.kasargodvartha.com 27.06.2019) കെ എസ് ആര്‍ ടി സി ബസില്‍ നിന്നും യാത്രക്കാരന്റെ പോക്കറ്റടിച്ച പ്രതിയെ പോലീസ് അറസ്റ്റു ചെയ്തു. കോഴിക്കോട് പെരുവണ്ണയിലെ ശ്രീജിത്തിനെ (32)യാണ് കുമ്പള എസ് ഐ എ സന്തോഷ് കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. 15,000 രൂപയാണ് ശ്രീജിത്ത് പോക്കറ്റടിച്ചത്.

സൂരംബയലിലെ ഇബ്രാഹിമിന്റെ പണമാണ് നഷ്ടപ്പെട്ടത്. അറസ്റ്റിലായ ശ്രീജിത്തിന് കോഴിക്കോട്ടും കേസുകള്‍ നിലവിലുള്ളതായി പോലീസ് അറിയിച്ചു. ചൊവ്വാഴ്ച കുമ്പളയില്‍ നിന്നും മംഗളൂരുവിലേക്കുള്ള യാത്രക്കിടെയാണ് സംഭവം.