പെരിയ ഇരട്ടക്കൊല: സി പി എമ്മിനും സര്‍ക്കാരിനും തിരിച്ചടി, അന്വേഷണം സി ബി ഐക്ക് വിട്ട് ഹൈക്കോടതി, ക്രൈംബ്രാഞ്ചിന്റെ കുറ്റപത്രം റദ്ദാക്കി

By Web Desk - MainSep 30, 2019, 16:41 IST

കൊച്ചി: (www.kasargodvartha.com 30.09.2019) പെരിയ ഇരട്ടക്കൊലക്കേസില്‍ സി പി എമ്മിനും സര്‍ക്കാരിനും കനത്ത തിരിച്ചടി. അന്വേഷണം സി ബി ഐക്ക് വിട്ടുകൊണ്ട് ഹൈക്കോടതി ഉത്തരവിട്ടു. കൊല്ലപ്പെട്ട കൃപേഷിന്റെയും ശരത്ത് ലാലിന്റെയും പിതാക്കന്മാര്‍ നല്‍കിയ ഹര്‍ജി പരിഗണിച്ചാണ് ഹൈക്കോടതിയുടെ ഉത്തരവ്.

ക്രൈംബ്രാഞ്ചിന്റെ കുറ്റപത്രവും സിംഗിള്‍ ബെഞ്ച് റദ്ദാക്കി. ക്രൈംബ്രാഞ്ചിന്റെ അന്വേഷണത്തിന് രൂക്ഷമായ ഭാഷയിലാണ് കോടതി വിമര്‍ശിച്ചത്. ക്രൈംബ്രാഞ്ച് സമര്‍പ്പിച്ച കുറ്റപത്രം വിശ്വാസ്യത ഇല്ലാത്തതാണെന്നും സാക്ഷികളേക്കാള്‍ കണക്കിലെടുത്തത് പ്രതികളുടെ മൊഴിയാണെന്നും കോടതി വ്യക്തമാക്കി.