പാലത്തായി പോക്സോ കേസ്; പ്രതി കെ പത്മരാജൻ്റെ ശിക്ഷ ഹൈകോടതി മരവിപ്പിച്ചു, ജയിലിൽ നിന്ന് മോചിതനായി

തലശേരി: (KasargodVartha) പാലത്തായി പോക്സോ കേസിൽ ജാമ്യം കിട്ടിയ പ്രതി കെ പത്മരാജൻ ശനിയാഴ്ച (ഓഗസ്റ്റ് 22) ജയിലിൽ നിന്നും പുറത്തിറങ്ങി. വിചാരണക്കോടതി വിധിച്ച ജീവപര്യന്തം തടവ് ഹൈകോടതി ഓഗസ്റ്റ് 21 വെള്ളിയാഴ്ച മരവിപ്പിച്ചിരുന്നു. വിചാരണക്കോടതി വിധിയിൽ പ്രഥമ ദൃഷ്ട്യാ തെറ്റുണ്ടെന്ന് കാട്ടിയാണ് ഹൈകോടതിയുടെ ഉത്തരവ്. 

പീഡനത്തിന് ഇരയായ കുട്ടിയുടെ മൊഴികളിൽ കാര്യമായ വൈരുധ്യങ്ങളും തിരുത്തുകളുമുണ്ടെന്ന പ്രതിയുടെ അഭിഭാഷകൻ്റെ വാദം പ്രസക്തമാണെന്ന് ഹൈകോടതി നിരീക്ഷിച്ചു. 600-ഓളം വിദ്യാർഥികൾ പഠിക്കുന്ന സ്കൂളിൽ ആരുടേയും ശ്രദ്ധയിൽപ്പെടാതെ ക്ലാസ് റൂമിനടുത്തുള്ള ശുചിമുറിയിൽ ഇത്തരമൊരു സംഭവം നടക്കാനുള്ള സാധ്യതയിൽ സംശയം പ്രകടിപ്പിച്ചാണ് ഹൈകോടതി ജാമ്യം അനുവദിച്ചത്. ഒരു ലക്ഷം രൂപ ബോണ്ട്, രണ്ടാൾ ജാമ്യവ്യവസ്ഥ തുടങ്ങിയ ഉപാധികളോടെയാണ് ജാമ്യം അനുവദിച്ചിട്ടുള്ളത്.

കേസിൻ്റെ പശ്ചാത്തലം

2025 നവംബറിലാണ് ബിജെപി നേതാവും അധ്യാപകനുമായ പത്മരാജനെ വിചാരണക്കോടതി ജീവപര്യന്തം തടവിന് ശിക്ഷിച്ചത്. 2020 ജനുവരിക്കും ഫെബ്രുവരിക്കുമിടയിൽ പാനൂർ പാലത്തായിയിലെ 10 വയസ്സുകാരിയെ സ്കൂളിനകത്തും പുറത്തും വെച്ച് മൂന്ന് തവണ ലൈംഗികമായി പീഡിപ്പിച്ചുയെന്ന കേസിലാണ് കെ പത്മരാജന് ജീവപര്യന്തം തടവും പിഴയും ശിക്ഷ ലഭിച്ചത്. ബിജെപി തൃപ്പങ്ങോട്ടൂർ പഞ്ചായത്ത് മുൻ പ്രസിഡന്റും എൻജിഒ സംഘ് മുൻ ഭാരവാഹിയുമാണ് പത്മരാജൻ.

രാഷ്ട്രീയ പ്രതികരണങ്ങൾ

പത്മരാജന് ജാമ്യം ലഭിച്ചത് പ്രോസിക്യൂഷൻ്റെ ഒത്തുകളി കൊണ്ടാണെന്ന് സിപിഎം കണ്ണൂർ ജില്ലാ സെക്രട്ടറി കെകെ രാഗേഷ് ആരോപിച്ചു. എൽഡിഎഫ് സർക്കാർ പ്രതിക്ക് ശിക്ഷ വാങ്ങി നൽകിയതാണെന്നും സർക്കാർ ഇടപെടൽ ഇല്ലാതെ പ്രോസിക്യൂഷൻ ലാഘവ ബുദ്ധിയോടെ കേസിനെ സമീപിക്കില്ലെന്നും അദ്ദേഹം വ്യക്തമാക്കി. ഉത്തരവാദിത്തത്തിൽ നിന്ന് സർക്കാരിന് ഒഴിഞ്ഞുമാറാനാകില്ലെന്നും കെകെ രാഗേഷ് കണ്ണൂരിൽ മാധ്യമങ്ങളോട് പ്രതികരിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The Kerala High Court suspended the life sentence of K. Padmarajan in the Palatayi POCSO case, noting prima facie errors in the trial court judgment, leading to his release from jail on August 22, 2026.

#KasargodVartha #PalatayiCase #POCSO #KeralaHighCourt #KPadmarajan #KannurNews #KeralaNews #MalayalamNews #CPMKerala #BJPKerala #AparnaNews