നാടകീയ നീക്കങ്ങൾ! പാക് സൈന്യത്തിൽ ഭിന്നതയുടെ കരിമേഘങ്ങൾ; മുനീർ വീഴുന്നു, മിർസ ഉയരുന്നു? ബലൂചിസ്താൻ പിടിച്ചടക്കി?

ന്യൂഡൽഹി: (KasargodVartha) ഇന്ത്യയുമായുള്ള സംഘർഷം രൂക്ഷമാകുന്നതിനിടെ പാക്കിസ്ഥാൻ സൈന്യത്തിൽ ആഭ്യന്തര കലഹം രൂക്ഷമായതായി റിപ്പോർട്ടുകൾ സൂചിപ്പിക്കുന്നു. പാക് സൈനിക മേധാവി ജനറൽ അസിം മുനീറിനെ കസ്റ്റഡിയിലെടുക്കുകയും മുതിർന്ന സൈനിക ഉദ്യോഗസ്ഥർ അദ്ദേഹത്തിന്റെ രാജി ആവശ്യപ്പെടുകയും ചെയ്തതായാണ് വിവരം. പാക്കിസ്ഥാൻ ജോയിന്റ് ചീഫ്സ് ഓഫ് സ്റ്റാഫ് കമ്മിറ്റി ചെയർമാൻ ജനറൽ സാഹിർ ഷംഷാദ് മിർസയാണ് ഈ നീക്കത്തിന് പിന്നിലെന്നും പറയുന്നു.

പാക് സൈന്യത്തിന്റെ ഉന്നത തലത്തിലുള്ള ഈ ഭിന്നത സ്ഥിതിഗതികൾ കൂടുതൽ സങ്കീർണ്ണമാക്കുന്നു. മുനീറിനെ അജ്ഞാത കേന്ദ്രത്തിലേക്ക് മാറ്റിയതായും രാജ്യദ്രോഹക്കുറ്റം ചുമത്തി സൈനിക കോടതി വിചാരണ ചെയ്തേക്കുമെന്നും സൂചനകളുണ്ട്. ഷംഷാദ് മിർസ സൈനിക മേധാവി സ്ഥാനം ഏറ്റെടുത്തതായി സ്ഥിരീകരിക്കാത്ത റിപ്പോർട്ടുകൾ പ്രചരിക്കുന്നുണ്ട്.

അതിനിടെ, ബലൂചിസ്ഥാൻ പ്രവിശ്യയിലെ ക്വെറ്റയുടെ നിയന്ത്രണം ബലൂച് ലിബറേഷൻ ആർമി (ബിഎൽഎ) ഏറ്റെടുത്തതായി റിപ്പോർട്ടുകൾ വരുന്നു. ബലൂചിസ്ഥാനിലെ വിവിധ ഭാഗങ്ങളിൽ പാക്ക് സൈന്യത്തിനെതിരെ ബിഎൽഎ ശക്തമായ ആക്രമണം നടത്തുകയാണെന്നും വിവരങ്ങളുണ്ട്.

ഈ സംഭവവികാസങ്ങൾക്കിടയിൽ, പാക് മണ്ണിൽ ഇന്ത്യൻ സൈന്യം ആക്രമണം ശക്തമാക്കിയിരിക്കുന്നു. ഇസ്ലാമാബാദിനെ നടുക്കി പാക് പ്രധാനമന്ത്രി ഷഹബാസ് ഷരീഫിന്റെ വീടിന് 20 കിലോമീറ്റർ അടുത്ത് വരെ ഇന്ത്യ മിസൈൽ വർഷം നടത്തിയതായി റിപ്പോർട്ടുകൾ പറയുന്നു. സിയാൽകോട്ട്, കറാച്ചി, ലാഹോർ എന്നിവിടങ്ങളിലും തുടർച്ചയായ ആക്രമണങ്ങൾ ഉണ്ടായി. പാക്കിസ്ഥാനിലെ പ്രധാന നഗരങ്ങളിൽ ഇന്ത്യൻ വ്യോമസേന ആക്രമണം തുടരുകയാണ്. നാല് പാക് പോർവിമാനങ്ങളെ ഇന്ത്യ വെടിവെച്ചിട്ടു. കച്ചിൽ മൂന്ന് ഡ്രോണുകളും തകർത്തു.

കറാച്ചി തുറമുഖത്തും ആക്രമണം നടന്നതായി റിപ്പോർട്ടുണ്ട്. പാക്കിസ്ഥാന്റെ ഒരു എയർ ഫോഴ്സ് വിമാനം പത്താൻകോട്ടിൽ വെടിവച്ചിടുകയും ചെയ്തു; വ്യോമ പ്രതിരോധ സംവിധാനം ഉപയോഗിച്ചായിരുന്നു ഇത്. സൈന്യത്തിന് പൂർണ്ണ സ്വാതന്ത്ര്യം നൽകിയിട്ടുണ്ടെന്ന നിലപാട് കേന്ദ്ര സർക്കാർ ആവർത്തിച്ചു. പാക്കിസ്ഥാനിലെ പ്രധാന നഗരങ്ങളെല്ലാം വൈദ്യുതിയില്ലാതെ ഇരുട്ടിലാണ്. ജനന്ധറിൽ രണ്ട് ഡ്രോണുകളെ ഇന്ത്യ വെടിവെച്ചിട്ടു. പാക്കിസ്ഥാന്റെ മൂന്ന് പോർവിമാനങ്ങളും ഇന്ത്യ തകർത്തു.

രണ്ട് പാക് പൈലറ്റുമാർ ഇന്ത്യയുടെ കസ്റ്റഡിയിലാണെന്നും റിപ്പോർട്ടുകളുണ്ട്. ജയ്‌സാൽമീർ, അഖ്‌നൂർ എന്നിവിടങ്ങളിൽ നിന്നാണ് ഇവരെ പിടികൂടിയതെന്നാണ് വിവരം. അഖ്‌നൂർ ജമ്മു മേഖലയിലാണ്. ഈ രണ്ട് മേഖലകളിലും പാക്കിസ്ഥാൻ ആക്രമണം നടത്തിയിരുന്നു. ഇവിടെ ആക്രമണം നടത്തിയ യുദ്ധവിമാനങ്ങളിൽ നിന്നുള്ളവരാണ് പിടിയിലായ പൈലറ്റുമാർ എന്നാണ് അനുമാനം. വിമാനങ്ങൾ തകർന്നതിനെ തുടർന്ന് ഇവർ പുറത്തേക്ക് ചാടിയതാകാം. ഇവരെക്കുറിച്ചുള്ള കൂടുതൽ വിവരങ്ങൾ സൈനിക വൃത്തങ്ങൾ പുറത്തുവിട്ടിട്ടില്ല.

പാക് സൈന്യത്തിലെ ഈ മാറ്റങ്ങൾ ഇന്ത്യക്ക് ഗുണകരമാകുമോ? വാർത്ത ഷെയർ ചെയ്യുക.

Article Summary: Reports indicate internal conflict within the Pakistan Army, with General Munir detained and General Mirza taking control. Baloch Liberation Army claims control of Balochistan. India intensifies attacks, targeting major Pakistani cities.  

#PakistanArmy, #Balochistan, #IndiaPakistan, #MilitaryConflict, #Geopolitics, #BreakingNews