കാർക്കളയിൽ നഗരസഭ മുൻ സ്റ്റാന്റിംഗ് കമ്മറ്റി ചെയർമാൻ എൻആർ ദിലീപിനെ കാറിനുള്ളിൽ മരിച്ച നിലയിൽ കണ്ടെത്തി; അരികിൽ റിവോൾവർ

മംഗളൂരു: (KasargodVartha) കാർക്കള നഗരസഭ മുൻ സ്റ്റാൻഡിംഗ് കമ്മിറ്റി ചെയർമാനും മംഗളൂരിൽ ബിസിനസ് സംരംഭകനുമായ എൻ.ആർ ദിലീപിനെ (58) ചൊവ്വാഴ്ച കാർക്കള താലൂക്കിലെ നിട്ടെ ദൂപടകട്ടെ സംസ്ഥാന പാതയ്ക്ക് സമീപം കാറിനകത്ത് വെടിയേറ്റു മരിച്ച നിലയിൽ കണ്ടെത്തി. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം.

പോലീസ് പറയുന്നതനുസരിച്ച്, സംസ്ഥാന പാതയ്ക്കടുത്തുള്ള എസ്റ്റേറ്റിന് സമീപം ദിലീപിന്റെ വാഹനം ചൊവ്വാഴ്ച രാവിലെ പാർക്ക് ചെയ്തിരുന്നു. തുടർന്ന് നടത്തിയ പരിശോധനയിൽ കാറിനുള്ളിൽ മൃതദേഹം കണ്ടെത്തുകയായിരുന്നു. 

അരികിൽ ഒരു റിവോൾവറും, പെട്ടി മിഠായികളും ഉണ്ടായിരുന്നു. ദിലീപിനെ വലിയ ബിസിനസ് നഷ്ടങ്ങളും കടബാധ്യതകളും അലട്ടിയിരുന്നതായി പോലീസ് പറഞ്ഞു. വൃക്കസംബന്ധമായ അസുഖവും അദ്ദേഹത്തിന് ഉണ്ടായിരുന്നു. വർഷങ്ങളായി കുടുംബത്തോടൊപ്പം മംഗളൂരിലാണ് താമസം.

കാർക്കള റൂറൽ പോലീസ് സംഭവസ്ഥലത്തെത്തി വിശദമായ അന്വേഷണം നടത്തിവരികയാണ്. മൃതദേഹം പോസ്റ്റ്‌മോർട്ടത്തിനായി മണിപ്പാൽ ആശുപത്രിയിലേക്ക് മാറ്റി. കാർക്കളയിലെ ടെല്ലർ റോഡിലെ തറവാട് വീട്ടിൽ കഴിഞ്ഞ ദിവസമാണ് ദിലീപ് എത്തിയത്. 

തിങ്കളാഴ്ച രാത്രിയിൽ ഇദ്ദേഹം സുഹൃത്തുക്കൾക്ക് വാട്‌സ്ആപ്പ് സന്ദേശം അയച്ചിരുന്നു. കാർക്കളയിൽ നിന്നുള്ള മുംബൈയിലെ ഒരു ബിസിനസുകാരൻ ഈ സന്ദേശം കണ്ട് ദിലീപിന്റെ മൂത്ത സഹോദരനെ വിവരമറിയിച്ചു. അദ്ദേഹം പലതവണ ശ്രമിച്ചിട്ടും ദിലീപിനെ ബന്ധപ്പെടാൻ കഴിഞ്ഞില്ല. വിഷം കഴിച്ച ശേഷം ദിലീപ് സ്വയം വെടിവെച്ച് മരിച്ചതായാണ് പ്രാഥമിക വിവരം.

ഈ വാർത്ത പങ്കുവെക്കുക അഭിപ്രായം രേഖപ്പെടുത്തുക 

Summary: Former Karkala Municipality Standing Committee Chairman and Mangaluru businessman NR Dileep (58) was found dead inside his car near Nitte Doopadakatte with gunshot wounds. Police suspect due to business losses, debts, and kidney ailment. A revolver was found nearby.

#Karkala, #Death,, #BusinessLoss, #Karnataka, #News