മലപ്പുറത്ത് സ്ഫോടക വസ്തുക്കൾ പിടികൂടിയ സംഭവം; ചിറ്റാരിക്കാലിൽ മുൻ ക്വാറി ഉടമയുടെ വീട്ടിലും ക്വാറിയിലും എൻഐഎ പരിശോധന
● ലോക്കൽ പോലീസിനെ അറിയിക്കാതെയാണ് എൻ.ഐ.എ. സംഘം എത്തിയത്.
● പിടികൂടിയ സ്ഫോടക വസ്തുക്കൾ സജി കൈമാറിയതാണെന്ന സംശയമാണ് റെയ്ഡിന് കാരണം.
● ചെറുപുഴയിലെ ബന്ധു വീടുകളിലും അന്വേഷണ സംഘം പരിശോധന നടത്തുന്നതായി സൂചന.
● പരിശോധന നടക്കുന്ന വിവരമറിഞ്ഞ് നിരവധി നാട്ടുകാർ സ്ഥലത്ത് തടിച്ചുകൂടി.
● റെയ്ഡ് പൂർത്തിയായ ശേഷം മാത്രമേ ഔദ്യോഗിക വിശദീകരണങ്ങൾ ലഭ്യമാകൂ.
ചിറ്റാരിക്കാൽ: (KasargodVartha) മലപ്പുറത്ത് രണ്ട് വർഷം മുൻപ് പോലീസ് പിടികൂടിയ ജലാറ്റിൻ സ്റ്റിക്കുകളും മറ്റ് സ്ഫോടക വസ്തുക്കളുമായി ബന്ധപ്പെട്ട അന്വേഷണത്തിൻ്റെ ഭാഗമായി ചിറ്റാരിക്കാൽ കടുമേനിയിലെ മുൻ ക്വാറി ഉടമയുടെ വീട്ടിൽ ദേശീയ അന്വേഷണ ഏജൻസിയായ എൻഐഎ പരിശോധന നടത്തുന്നു. ശനിയാഴ്ച രാവിലെയാണ് എൻഐഎ ഉദ്യോഗസ്ഥർ കടുമേനിയിലെ വീട്ടിലെത്തി പരിശോധന ആരംഭിച്ചത്. ലോക്കൽ പോലീസിനെ പോലും മുൻകൂട്ടി വിവരം അറിയിക്കാതെയായിരുന്നു അന്വേഷണ സംഘം എത്തിയതെന്നാണ് ലഭിക്കുന്ന പ്രാഥമിക വിവരം. ഇയാളുടെ പ്രവർത്തിക്കാത്ത ക്വറിയിലും പാറപൊട്ടിക്കാനുപയോഗിക്കുന്ന സാധനങ്ങൾ സൂക്ഷിക്കുന്ന ഷെഡിലും പരിശോധന നടത്തിയതായാണ് വിവിവരം.
സ്ഫോടക വസ്തുക്കൾ കൈമാറിയതാര്?
രണ്ട് വർഷം മുൻപ് മലപ്പുറത്ത് നടത്തിയ പരിശോധനയിലാണ് വൻതോതിൽ ജലാറ്റിൻ സ്റ്റിക്കുകളും മറ്റ് സ്ഫോടക വസ്തുക്കളും പോലീസ് പിടികൂടിയത്. ഈ സ്ഫോടക വസ്തുക്കൾ കടുമേനിയിലെ മുൻ ക്വാറി ഉടമയായ സജി കൈമാറിയതാണെന്ന സൂചനയുടെ അടിസ്ഥാനത്തിലാണ് ഇപ്പോഴത്തെ പരിശോധന നടക്കുന്നതെന്നാണ് അന്വേഷണ വൃത്തങ്ങൾ നൽകുന്ന വിവരം.
കൂടുതൽ ഇടങ്ങളിൽ പരിശോധന
പരിശോധനയുമായി ബന്ധപ്പെട്ട വിവരങ്ങൾ എൻഐഎ ഇതുവരെ ഔദ്യോഗികമായി പുറത്തുവിട്ടിട്ടില്ല. റെയ്ഡ് പൂർത്തിയായ ശേഷമേ കേസുമായി ബന്ധപ്പെട്ട കൃത്യമായ വിവരങ്ങൾ വ്യക്തമാകൂ. എൻഐഎയുടെ പരിശോധന നടക്കുന്നതറിഞ്ഞ് നാട്ടുകാരിൽ പലരും പരിസരത്ത് തടിച്ചുകൂടിയിട്ടുണ്ട്. ഇതിനുപുറമെ, സജിയുടെ ചെറുപുഴയിലെ ബന്ധുക്കളുടെയും മറ്റും മറ്റ് ചില വീടുകളിലും അന്വേഷണ സംഘം പരിശോധന നടത്തുന്നതായി റിപ്പോർട്ടുകളുണ്ട്. എന്നാൽ ഇതിന് കൃത്യമായ സ്ഥിരീകരണം ലഭിച്ചിട്ടില്ല.
ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.
Article Summary: The National Investigation Agency (NIA) is conducting an unexpected raid at the residence of a former quarry owner, Saji, in Chittarikkal Kadumeni regarding the seizure of gelatin sticks and other explosives in Malappuram two years ago. Sources indicate the explosives were allegedly supplied by him. The raids, which also extended to Cherupuzha, were carried out without prior information to the local police.
#NIA #NIARaid #Chittarikkal #Malappuram #KeralaNews #ExplosivesSeized #NationalInvestigationAgency
