രണ്ടാം ഭാര്യയിലെ മകളെ പീഡിപ്പിച്ച കേസില്‍ അറസ്റ്റിലായ ഓട്ടോഡ്രൈവര്‍ റിമാന്‍ഡില്‍; പീഡിപ്പിച്ചത് മാതാവിന്റെ അറിവോടെയെന്ന് സൂചന, ഭീഷണിപ്പെടുത്തിയാണ് മകളെ പീഡിപ്പിച്ചതെന്ന് മാതാവ്

കുമ്പള: (www.kasargodvartha.com 04.04.2018) രണ്ടാം ഭാര്യയിലെ മകളെ പീഡിപ്പിച്ച കേസില്‍ അറസ്റ്റിലായ ഓട്ടോഡ്രൈവറെ റിമാന്‍ഡ് ചെയ്തു. കുമ്പളയ്ക്ക് സമീപത്ത് താമസിക്കുന്ന യുവാവിനെയാണ് കാസര്‍കോട് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി രണ്ടാഴ്ചത്തേക്ക് റിമാന്‍ഡ് ചെയ്തത്. രണ്ടാം ഭാര്യയിലെ എട്ടാം ക്ലാസ് വിദ്യാര്‍ത്ഥിനിയായ 13 കാരിയെയാണ് പ്രതി ഭീഷണിപ്പെടുത്തി പീഡിപ്പിച്ചത്.

പീഡനത്തിനിരയായ പെണ്‍കുട്ടി നേരിട്ട് സ്റ്റേഷനില്‍ ഹാജരായി പോലീസില്‍ വിവരം പറയുകയും പരാതി നല്‍കുകയുമായിരുന്നു. കുമ്പള പോലീസ് കേസെടുക്കുകയും പ്രതിയെ അറസ്റ്റു ചെയ്ത് കോടതിയില്‍ ഹാജരാക്കുകയുമായിരുന്നു.

അതേസമയം മാതാവിന്റെ ഒത്താശയോടെയാണ് പ്രതി പെണ്‍കുട്ടിയെ പീഡിപ്പിച്ചതെന്ന വിവരം പുറത്തുവന്നിട്ടുണ്ട്. ഇതുസംബന്ധിച്ച് അന്വേഷണം നടത്തിവരുന്നതായി പോലീസ് പറഞ്ഞു. ഭീഷണിപ്പെടുത്തിയാണ്  പ്രതി മകളെ പീഡിപ്പിച്ചതെന്നാണ് മാതാവ് പറയുന്നത്. പെണ്‍കുട്ടിക്ക് ജ്യൂസിലും ഭക്ഷണത്തിലും മയക്കുമരുന്ന് നല്‍കിയും പീഡനം നടന്നതായി പോലീസ് അന്വേഷണത്തില്‍ വ്യക്തമായിട്ടുണ്ട്.
രണ്ടാം ഭാര്യയിലെ മകളെ പീഡിപ്പിച്ച ഓട്ടോ ഡ്രൈവര്‍ അറസ്റ്റില്‍; അറസ്റ്റിലായത് എ.ടി.എം കവര്‍ച്ചാ കേസിലെ പ്രതി