5 വയസുകാരിയെ പീഡിപ്പിച്ച് നാട്ടില്‍ നിന്നും മുങ്ങിയ പ്രതിയെ ഇടുക്കിയില്‍ പോലീസ് അറസ്റ്റു ചെയ്തു

By Web Desk - MainOct 29, 2019, 13:49 IST

രാജപുരം: (www.kasargodvartha.com 29.10.2019) അഞ്ചു വയസുകാരിയെ പീഡിപ്പിച്ച് നാട്ടില്‍ നിന്നും മുങ്ങിയ പ്രതിയെ ഇടുക്കിയില്‍ പോലീസ് അറസ്റ്റു ചെയ്തു. ബളാംതോട് ചാമുണ്ഡിക്കുന്നിലെ കെ എന്‍ ബാബുവിനെ (55) യാണ് രാജപുരം എ എസ് ഐ സജിമോന്‍ ജോര്‍ജ്, സി പി ഒ സത്യപ്രകാശ് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. ഒരു മാസം മുമ്പാണ് ബാബുവിനെതിരെ പോലീസ് കേസെടുത്തത്. ഇതോടെ ഇയാള്‍ നാട്ടില്‍ നിന്നും മുങ്ങുകയായിരുന്നു.

മൊബൈല്‍ ഫോണ്‍ ഉപയോഗിക്കാതെ പല സ്ഥലങ്ങളില്‍ തങ്ങിയ ബാബുവിനെ രഹസ്യവിവരം ലഭിച്ചതിന്റെ അടിസ്ഥാനത്തില്‍ കുമളിയിലെ ബന്ധുവീട്ടില്‍ നിന്നാണ് അറസ്റ്റു ചെയ്തത്. തമിഴ്‌നാട്ടിലേക്ക് കടക്കാനുള്ള ശ്രമത്തിനിടെയാണ് വേഷം മാറിയെത്തിയ പോലീസ് പ്രതിയെ പിടികൂടിയത്.

കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.