പ്രായപൂര്‍ത്തിയാകാത്ത പെണ്‍കുട്ടിക്കു നേരെ ലൈംഗീക പീഡനം; യുവാവ് അറസ്റ്റില്‍

By Web Desk - MainMar 2, 2019, 20:07 IST

രാജപുരം: (www.kasargodvartha.com 02.03.2019) വീട്ടില്‍ അതിക്രമിച്ച് കയറി പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കാന്‍ ശ്രമിച്ച യുവാവിനെ രാജപുരം പോലീസ് അറസ്റ്റ് ചെയ്തു. കോടോത്ത് മൈല്‍പ്പാറയിലെ പവിത്രനെയാണ് ബാലപീഡന വിരുദ്ധ നിയമപ്രകാരം (പോക്സോ) രാജപുരം പ്രിന്‍സിപ്പള്‍ എസ് ഐ പ്രശാന്ത് അറസ്റ്റ് ചെയ്തത്.

2018 നവംബറിലാണ് പവിത്രന്‍ പെണ്‍കുട്ടിയുടെ വീട്ടില്‍ അതിക്രമിച്ച് കയറി പീഡിപ്പിക്കാന്‍ ശ്രമിച്ചത്. വെള്ളിയാഴ്ചയാണ് കുട്ടിയുടെ ബന്ധുക്കള്‍ രാജപുരം പോലീസ് സ്റ്റേഷനില്‍ പരാതി നല്‍കിയത്. പരാതിയുടെ അടിസ്ഥാനത്തില്‍ വെള്ളിയാഴ്ച വൈകിട്ട് കോടോത്ത് വെച്ചാണ് പവിത്രനെ പിടികൂടി അറസ്റ്റ് ചെയ്തത്.