മൊബൈല്‍ ഫോണ്‍ മോഷ്ടിച്ച് തിരുവനന്തപുരത്തേക്ക് കടന്ന യുവാവ് പിടിയില്‍

By Web Desk - MainFeb 21, 2018, 16:18 IST

വിദ്യാനഗര്‍: (www.kasargodvartha.com 21.02.2018) മൊബൈല്‍ ഫോണ്‍ മോഷ്ടിച്ച് തിരുവനന്തപുരത്തേക്ക് കടന്ന യുവാവ് പിടിയിലായി. നാല്‍ത്തടുക്കയിലെ അഷ്‌റഫിനെ (24)യാണ് വിദ്യാനഗര്‍ പോലീസ് പിടികൂടിയത്. നാല്‍ത്തടുക്കയിലെ മുഹമ്മദ് ഹനീഫയുടെ ഭാര്യ ബസരിയയുടെ 7,000 രൂപ വില വരുന്ന മൊബൈല്‍ ഫോണാണ് അഷ്‌റഫ് കവര്‍ന്നത്. തുടര്‍ന്ന് തിരുവനന്തപുരത്തേക്ക് കടക്കുകയായിരുന്നു.

സുഹൃത്തുക്കളുടെ സഹായത്തോടെയാണ് അഷ്‌റഫിനെ പോലീസ് സ്‌റ്റേഷനിലെത്തിച്ചത്. പോലീസ് ചോദ്യം ചെയ്യലില്‍ മൊബൈല്‍ എടുത്തത് താനാണെന്ന് അഷ്‌റഫ് സമ്മതിച്ചു. മൊബെല്‍ ഫോണ്‍ അഷ്‌റഫിന്റെ കൈവശത്തു നിന്നും പോലീസ് കണ്ടെടുത്തു. ബസരിയയുടെ ബന്ധുകൂടിയാണ് അഷ്‌റഫെന്ന് പോലീസ് പറഞ്ഞു.