ഒൻപതാം ക്ലാസുകാരിയെ പീഡിപ്പിച്ചെന്ന് പരാതി; പ്രായപൂർത്തിയാകാത്ത 3 വിദ്യാർഥികളെ പൊലീസ് കസ്റ്റഡിയിലെടുത്തു

തിരുവനന്തപുരം: (KasargodVartha) ഒൻപതാം ക്ലാസുകാരിയെ പീഡിപ്പിച്ചെന്ന പരാതിയിൽ പ്രായപൂർത്തിയാകാത്ത മൂന്ന് വിദ്യാർഥികളെ പൊലീസ് കസ്റ്റഡിയിലെടുത്തു. കുറ്റാരോപിതരായ വിദ്യാർഥികൾ 16, 17 വയസ്സുള്ളവരാണെന്ന് മണ്ണന്തല പൊലീസ് നൽകുന്ന വിവരം.

സ്കൂളിൽ പോകാതെ അതിക്രമം

പെൺകുട്ടിയുമായി മുൻപ് തന്നെ പരിചയമുണ്ടായിരുന്ന വിദ്യാർഥികളാണ് കുറ്റാരോപിതരായിട്ടുള്ളത്. ഇവർ സ്കൂളിൽ പോകാതെ പെൺകുട്ടിയെയും കൂട്ടി പുറത്തുപോയെന്നും അവിടെ വെച്ച് പീഡിപ്പിച്ചെന്നുമാണ് പൊലീസിന് ലഭിച്ചിരിക്കുന്ന പരാതി. പെൺകുട്ടിയും കുറ്റാരോപിതരായ വിദ്യാർഥികളും വ്യത്യസ്ത സ്കൂളുകളിലാണ് പഠിക്കുന്നത്.

വിവരം പുറത്തായത് കൗൺസിലിങ്ങിലൂടെ

സ്കൂളിൽ നടന്ന കൗൺസിലിങ്ങിനിടെയാണ് പെൺകുട്ടി തനിക്കുനേരെയുണ്ടായ അതിക്രമ വിവരം കൗൺസിലറോട് പുറത്തുപറഞ്ഞത്. തുടർന്ന് സ്കൂൾ അധികൃതർ അടിയന്തരമായി ഈ വിവരം വീട്ടുകാരെയും മണ്ണന്തല പൊലീസിനെയും അറിയിക്കുകയായിരുന്നു.

ഇതിന് പിന്നാലെയാണ് മൂന്ന് വിദ്യാർഥികളെയും പൊലീസ് കണ്ടെത്തി പിടികൂടിയത്. പ്രായപൂർത്തിയാകാത്തവരായതിനാൽ പിടിയിലായ മൂന്ന് പേരെയും ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കുമെന്ന് പൊലീസ് അറിയിച്ചു.

കൂടുതല്‍ വിവരങ്ങള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റില്‍ കമൻ്റായി രേഖപ്പെടുത്തുക.

Article Summary: 3 minors held for allegedly assaulting 9th-grade girl in Mannanthala.

#ThiruvananthapuramNews #CrimeNewsKerala #KeralaPolice #MalayalamNews #RenuNews