അപകടത്തിൽപ്പെട്ട ബൈക്ക് മോഷ്ടിച്ച കേസ്; നിരവധി കേസുകളിലെ പ്രതി മഞ്ചേശ്വരത്ത് പിടിയിൽ; സിസിടിവി ദൃശ്യങ്ങൾ നിർണായകമായി

കാസർകോട്: (KasargodVartha) അപകടത്തിൽപ്പെട്ട ബൈക്ക് മോഷ്ടിച്ച കേസിൽ നിരവധി ക്രിമിനൽ കേസുകളിൽ പ്രതിയായ യുവാവ് പിടിയിൽ. മഞ്ചേശ്വരം പൊലീസ് സ്റ്റേഷൻ പരിധിയിലെ മുഹമ്മദ് മുന്ന(21)യെ ആണ് മഞ്ചേശ്വരം എസ്ഐ വൈഷ്ണവ് രാമചന്ദ്രനും സംഘവും അറസ്റ്റ് ചെയ്തത്. 

മോഷണം നടന്നത് അപകടത്തിന് പിന്നാലെ

കർണാടക ഗദക് സ്വദേശിയും കാസർകോട് നുള്ളിപ്പാടിയിലെ ക്വാർട്ടേഴ്സിൽ താമസക്കാരനുമായ എം എൻ സന്തോഷിൻ്റെ ബൈക്കാണ് മോഷണം പോയത്. മെയ് ഒന്നിന് രാത്രി ഒൻപതരയോടെ സന്തോഷ് ഓടിച്ചിരുന്ന ബൈക്ക് ഉപ്പള ദേശീയപാതയിൽ വെച്ച് കാറിന് പിന്നിലിടിച്ച് അപകടത്തിൽപ്പെട്ടിരുന്നു. പരിക്കേറ്റ സന്തോഷിനെ ഉടൻ ആശുപത്രിയിൽ പ്രവേശിപ്പിച്ചു. എന്നാൽ ആശുപത്രിയിൽ നിന്ന് ഡിസ്ചാർജ് ആയി തിരിച്ചെത്തിയപ്പോഴാണ് ബൈക്ക് മോഷണം പോയ വിവരം സന്തോഷ് അറിയുന്നത്.

സിസിടിവി ദൃശ്യങ്ങൾ നിർണായകമായി

ബെെക്ക് കാണാതായതിനെ തുടർന്ന് സന്തോഷ് നൽകിയ പരാതിയിൽ മഞ്ചേശ്വരം പൊലീസ് കേസെടുത്ത് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ ശാസ്ത്രീയമായ അന്വേഷണത്തിനൊടുവിലാണ് പ്രതിയെ തിരിച്ചറിഞ്ഞതെന്ന് പൊലീസ് പറഞ്ഞു. മോഷ്ടിച്ച ബൈക്ക് ഉപ്പളയിൽ നിന്ന് തന്നെ പൊലീസ് കണ്ടെടുത്തു.

നിരവധി കേസുകളിൽ പ്രതി

പിടിയിലായ മുഹമ്മദ് മുന്ന മുൻപും നിരവധി ക്രിമിനൽ കേസുകളിൽ ഉൾപ്പെട്ടിട്ടുള്ളയാളാണെന്ന് പൊലീസ് വ്യക്തമാക്കി. ഇയാൾക്കെതിരെ മഞ്ചേശ്വരം സ്റ്റേഷനിൽ പോക്സോ കേസും ബേക്കൽ സ്റ്റേഷനിൽ മറ്റൊരു മോഷണക്കേസും നിലവിലുണ്ട്. പ്രതിയെ കൂടുതൽ ചോദ്യം ചെയ്ത ശേഷം കോടതിയിൽ ഹാജരാക്കും.

ഈ വാർത്ത വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക് പേജും ഫോളോ ചെയ്യുക.

Article Summary: Manjeshwar police arrested Muhammed Munna (21) for stealing a motorbike involved in an accident in Uppala. The suspect, who is also involved in POCSO and other theft cases, was identified using CCTV footage.

#KasaragodNews #ManjeshwarPolice #BikeTheft #CrimeUpdate #Uppala #PoliceAction #BreakingNews #KeralaCrime #CCTVEvidence