കുമ്പള ടോൾപ്ലാസയിൽ ലോറി ഇടിച്ചു: ഓട്ടോമാറ്റിക് ബാരിയർ ഉൾപ്പെടെ തകർന്നു; ഒന്നര ലക്ഷത്തിൻ്റെ നഷ്ടം
● വ്യാഴാഴ്ച പുലർച്ചെയാണ് അപകടം നടന്നത്
● എൽഇഡി ഡിസ്പ്ലേയ്ക്കും സൈൻബോർഡിനും കേടുപാടുകൾ സംഭവിച്ചു
● ഫോഗ് ലൈറ്റ് കോൺക്രീറ്റ്, ഇമ്പാക്ട് ബാരിയർ എന്നിവ തകർന്നു
● കുമ്പള പോലീസ് ലോറി ഡ്രൈവർക്കെതിരെ കേസെടുത്തു
കുമ്പള: (KasargodVartha) ആരിക്കാടി ടോൾപ്ലാസയിൽ ലോറി ഇടിച്ച് ഒന്നര ലക്ഷത്തിലധികം രൂപയുടെ നാശനഷ്ടം സംഭവിച്ചു. മംഗളൂരിൽ നിന്ന് കാസർകോട് ഭാഗത്തേക്ക് വന്ന ലോറിയാണ് ടോൾപ്ലാസയുടെ മധ്യഭാഗത്ത് ഇടിച്ചത്. വ്യാഴാഴ്ച പുലർച്ചെയാണ് അപകടം നടന്നത്.
അപകടത്തിൽ ടോൾപ്ലാസയിലെ ഓട്ടോമാറ്റിക് ബാരിയർ പൂർണമായി തകർന്നു. ഇതിന് പുറമെ എൽഇഡി ഡിസ്പ്ലേ, സൈൻബോർഡ്, പ്ലാസ്റ്റിക് ബാരിയർ, റീ ഇൻഫോഴ്സ്മെന്റ് കോൺക്രീറ്റ്, ഫോഗ് ലൈറ്റ് കോൺക്രീറ്റ്, ഇമ്പാക്ട് ബാരിയർ, ഇലക്ട്രിക് കമ്മ്യൂണിക്കേഷൻ കേബിൾ എന്നിവയ്ക്കും നാശനഷ്ടങ്ങൾ സംഭവിച്ചിട്ടുണ്ട്.
1,62,892 രൂപയുടെ നഷ്ടം സംഭവിച്ചതായാണ് പ്രാഥമിക കണക്കുകൾ സൂചിപ്പിക്കുന്നത്. ടോൾപ്ലാസ അധികൃതർ നൽകിയ പരാതിയുടെ അടിസ്ഥാനത്തിൽ ലോറി ഡ്രൈവർക്കെതിരെ കുമ്പള പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.
Article Summary: Lorry crash causes heavy damage at Kumbala toll plaza.
#Kumbala #TollPlaza #Accident #Kasaragod #LorryCrash #KeralaNews
