'ലൈവ് ടിവി' ആപ്പ് വഴി ഫോൺ നിയന്ത്രണത്തിലാക്കി; 2 ബാങ്ക് അക്കൗണ്ടുകളിൽ നിന്ന് 1,65,000 രൂപ തട്ടിയെടുത്തതായി പാരാതി; പൊലീസ് അന്വേഷണം ആരംഭിച്ചു

കാസർകോട്: (KasargodVartha) മൊബൈൽ ഫോണിൽ 'ലൈവ് ടിവി' എന്ന ആപ്ലിക്കേഷൻ ഇൻസ്റ്റാൾ ചെയ്തതിനെ തുടർന്ന് ഗ്രാമീൺ ബാങ്ക്, കാനറ ബാങ്ക് അക്കൗണ്ടുകളിൽ നിന്നായി 1,65,000 രൂപ തട്ടിയെടുത്തതായി പരാതി. സംഭവത്തിൽ ബേക്കൽ പൊലീസ് കേസെടുത്ത് അന്വേഷണം ആരംഭിച്ചു. കാസർകോട് പെരിയ കുണിയ തെക്കുംപുറം വീട്ടിൽ യൂസഫ് മൊയ്തു (50) ആണ് തട്ടിപ്പിനിരയായത്.

നവംബർ 6 മുതൽ നവംബർ 8 വരെയുള്ള ദിവസങ്ങളിലാണ് തട്ടിപ്പ് നടന്നത്. പെരിയ കുണിയയിൽ താമസിക്കുന്ന യൂസഫ് മൊയ്തുവിന്റെ മൊബൈൽ ഫോണിൽ 'ലൈവ് ടിവി' ആപ്ലിക്കേഷൻ ഇൻസ്റ്റാൾ ചെയ്തതിലൂടെ, ഫോണുമായി ബന്ധിപ്പിച്ചിരുന്ന ബാങ്ക് അക്കൗണ്ടുകൾ തട്ടിപ്പുകാരുടെ നിയന്ത്രണത്തിലാവുകയായിരുന്നു. തുടർന്ന് ഗ്രാമീൺ ബാങ്ക് പെരിയ ബ്രാഞ്ചിലെ അക്കൗണ്ടിൽ നിന്നും കാനറ ബാങ്ക് പെരിയ ബ്രാഞ്ചിലെ അക്കൗണ്ടിൽ നിന്നുമായി 1,65,000 രൂപ തട്ടിയെടുക്കുകയായിരുന്നു.

പൊലീസ് അന്വേഷണം

കാസർകോട് സൈബർ ക്രൈം പൊലീസ് സ്റ്റേഷനിൽ രജിസ്റ്റർ ചെയ്ത കേസിലെ സീറോ എഫ്.ഐ.ആർ. ബേക്കൽ പൊലീസ് സ്റ്റേഷന് കൈമാറുകയായിരുന്നു. ഇതിന്റെ അടിസ്ഥാനത്തിൽ നവംബർ 13-ന് ബേക്കൽ പൊലീസ് സ്റ്റേഷനിൽ Cr. No. 705/26 പ്രകാരം ബി.എൻ.എസ്. 318(4), ഐ.ടി. ആക്ട് Sec. 66(D) വകുപ്പുകൾ ചേർത്ത് കേസ് രജിസ്റ്റർ ചെയ്തു. ഇൻസ്പെക്ടർ പി. അജിത് കുമാറാണ് അന്വേഷണത്തിന് നേതൃത്വം നൽകുന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Yousuf Moithu (50) from Periya, Kasaragod, lost Rs 1,65,000 from his accounts after installing a 'Live TV' app. Bekal police registered a case.

#KasargodVartha #KasaragodNews #CyberCrime #LiveTVAppScam #KeralaPolice #OnlineFraud #MalayalamNews #PeriyaKasaragod