ക്ഷേത്രത്തിലെ ശൗചാലയം ഉപയോഗിച്ചതിന് വിദ്യാർഥികളെ ഓടിച്ചു; വീണുപോയ പതിനൊന്നുകാരിയുടെ കയ്യൊടിഞ്ഞു

കുമ്പള: (KasargodVartha) ക്ഷേത്രത്തിന്റെ ശൗചാലയത്തിൽ പോയ വിദ്യാർഥികളെ സ്ത്രീകൾ ചേർന്ന് ചൂലും മറ്റും ഉപയോഗിച്ച് ഓടിച്ചതായി പരാതി. കുമ്പള പൊലീസ് സ്റ്റേഷൻ പരിധിയിലാണ് സംഭവം. ജൂലൈ 11 ശനിയാഴ്ചയാണ് അതിക്രമം നടന്നത്. ഓടുന്നതിനിടെ ഒരു സ്ത്രീ തള്ളിമാറ്റിയതിനെ തുടർന്ന് നിലത്തുവീണ പതിനൊന്നുകാരിയായ വിദ്യാർഥിനിയുടെ വലതു കയ്യൊടിഞ്ഞു.

പ്രകോപനത്തിന് കാരണം

ട്യൂഷന് വേണ്ടി പത്തോളം വിദ്യാർഥികൾ പ്രദേശത്തെ ഒരു അധ്യാപികയുടെ വീട്ടിൽ എത്താറുണ്ട്. എന്നാൽ ട്യൂഷനെത്തുന്ന വിദ്യാർഥികൾക്ക് അധ്യാപികയുടെ വീട്ടിലെ ശൗചാലയം ഉപയോഗിക്കാൻ അനുമതിയില്ല. അയൽവാസികളായ ചില വീട്ടുകാർക്ക് ഈ അധ്യാപികയോട് മുൻ വൈരാഗ്യമുള്ളതായി പറയുന്നു. 

കുട്ടികൾക്ക് ശൗചാലയം ഉപയോഗിക്കാൻ നൽകിക്കൂടെ എന്ന് സ്ത്രീകൾ പല പ്രാവശ്യം അധ്യാപികയോട് ചോദിച്ചിരുന്നു. ഇതിന്റെ പേരിൽ അധ്യാപികയും സ്ത്രീകളും തമ്മിൽ വാക്കുതർക്കം നടന്നതായും പ്രദേശവാസികൾ പറയുന്നു. ശനിയാഴ്ച വിദ്യാർഥികൾ സമീപത്തെ ക്ഷേത്രത്തിന്റെ ശൗചാലയത്തിൽ പോയ സമയത്ത്, അധ്യാപികയുടെ വീട്ടിലെ ശൗചാലയത്തിൽ പോയാൽ മതിയെന്നും ക്ഷേത്രത്തിൽ വരേണ്ടെന്നും പറഞ്ഞ് സ്ത്രീകൾ വിദ്യാർഥികളെ ഓടിക്കുകയായിരുന്നു.

പൊലീസിൽ പരാതി നൽകി

ചൂലും മറ്റും ഉപയോഗിച്ച് ഓടിക്കുന്നതിനിടെ ഒരു സ്ത്രീ തള്ളിമാറ്റിയതോടെയാണ് പെൺകുട്ടി നിലത്തുവീണ് കയ്യൊടിഞ്ഞതെന്ന് പരാതിയിൽ ആരോപിക്കുന്നു. കുമ്പളയിലെ സ്വകാര്യ ആശുപത്രിയിൽ പ്രവേശിപ്പിച്ച പെൺകുട്ടിയുടെ കൈക്ക് പ്ലാസ്റ്റർ ഇട്ടിട്ടുണ്ട്. സംഭവത്തിൽ പെൺകുട്ടിയുടെ പിതാവ് കുമ്പള പൊലീസിൽ പരാതി നൽകി. പൊലീസ് വിശദമായ അന്വേഷണം ആരംഭിച്ചിട്ടുണ്ട്.

ഈ വാർത്ത നിങ്ങളുടെ വാട്സാപ്പ് ഗ്രൂപ്പുകളിൽ ഷെയർ ചെയ്യുക. ഏറ്റവും പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ താഴെ കമൻ്റായി രേഖപ്പെടുത്താം.

Article Summary: An 11-year-old girl broke her right hand after allegedly being chased and pushed by a group of women for using a temple toilet in Kumbla. 

#KumblaNews #Kasaragod #KeralaPolice #LocalNews #CrimeNews #KasaragodNews #AparnaNews